नेपाली सेनाले तराईमा छ हजार सर्वसाधारणको उद्धार गरेको छ ।


नेपाली सेनाले अविरल वर्षाका कारण देशका विभिन्न भागमा विपत्तिमा परेकामध्ये हालसम्म करिब छ हजार सर्वसाधारणको उद्धार गरेको छ ।

सैनिक जनसम्पर्क निर्देशनालयका अनुसार
बाढी तथा पहिरो प्रभावित क्षेत्रमा खोज, उद्धार तथा राहतका लागि स्थानीय प्रशासनसँगको समन्वय तथा सहकार्यमा आवश्यक उद्धार सामग्रीसहित नेपाली सेनाको उद्धार टोलीसहित पाँच हेलिकप्टर निरन्तर रुपमा परिचालन भइरहेको सैनिक मुख्यालयले जनाएको छ।

बाढीपहिरो र डुबान क्षेत्रमा हाल नेपाली सेनाबाट करिब सात हजार ५०० सैनिक परिचालित रहेको जनाइएको छ। मोरङ जिल्लामा तैनाथ युनिटबाट खटिएको उद्धार टोलीले गछिया खोलाले कटान गरेको स्थानमा १३ ग्याबिन जालीमा ढुङ्गा भरी बाढी रोकथाम गरेको सेनाले जनाएको छ।

रौतहटको गौर इलाकामा डुबानमा परेकालाई हेलिकप्टरद्वारा एक हजार २०० केजी खाद्य सामग्री, औषधि तथा पानी पुर्‍याई वितरण गरिएको जनाइएको छ। त्यस्तै बाँकेका फत्तेपुर र गंगापुर इलाकामा नेपाली सेनाकै हेलिकप्टरबाट चाउचाउ १०६ र बिस्कुट २६ बाकस, ड्राइ फुड १०० पोका, जीवनजल १५ बाकस, चिनी १२ र चिउरा ७५ बोरा, सिटामोल र मेट्राजोल पाँच÷पाँच हजार वटा र पिउने पानी एक हजार २०० बोतल वितरणका लागि पुर्‍याइएको निर्देशनालयले जनाएको छ। रासस


Write A Suggestion

%d bloggers like this: