नदीको संरक्षण हुनुपर्छ ः गृहमन्त्री थापा

काठमाडौँ, ७ वैशाख : गृहमन्त्री रामबहादुर थापाले नेपाली संस्कृतिको पहिचानका लागि नदीको संरक्षण गरिनुपर्नेमा जोड दिनुभएको छ ।

उपत्यका पर्यटन नगरी अभियानले आज आयोजना गरेको वाग्मतीको कटुवालदहबाट सुन्दरीजलसम्मको मोटरसाइकल ¥याली उद्घाटन समारोहलाई सम्बोधन गर्नुहुँदै उहाँले जुनसुकै समाजको निर्माण नदी सभ्यताबाट हुने भएकाले वाग्मतीको संरक्षण हुनुपर्ने बताउनुभयो ।

“आर्थिक समृद्धिको प्रमुख एजेन्डालाई पूरा गर्न पर्यटन प्रवद्र्धन गर्नुपर्छ, यसका लागि वाग्मतीजस्ता नदीमा स्वच्छ पानी बगाउनु आवश्यक छ, कला र संस्कृतिको संरक्षणका लागि पनि सरकारले प्राथमिकताका साथ काम गर्छ”, मन्त्री थापाले भन्नुभयो ।

कार्यक्रममा पूर्वमन्त्री एवं सांसद राजन केसी, दक्षिणकाली नगरपालिकाका प्रमुख मोहन बस्नेतलगायत वक्ताले वाग्मती नदीको संरक्षणका लागि जनचेतनामूलक अभियान जारी राखी सफाइमा लाग्न प्रेरित गरिनुपर्नेमा जोड दिनुभयो । ¥यालीमा ३०० वटा मोटरसाइकलको सहभागिता थियो ।

¥यालीको समापन गोकर्णेश्वर नगरपालिका वडा नं १ सुन्दरीजलमा भयो । कार्यक्रमको समापन गर्नुहुँदै नगर प्रमुख सन्तोष चालिसेले सुन्दरीजल क्षेत्रलाई पर्यटकीय नगरीकारुपमा विकास गर्न लागिएको सुनाउनुभयो ।

कार्यक्रमको आयोजनाका लागि अधिकार सम्पन्न वाग्मती सभ्यता एकीकृत विकास समिति, पशुपति क्षेत्र विकास कोष, काठमाडौँ महानगरपालिका, दक्षिणकाली नगरपालिका, कागेश्वरी मनोहरा नगरपालिका, गोकर्णेश्वर नगरपालिकालगायतले सहयोग गरेका थिए ।
–––

Write A Suggestion

%d bloggers like this: