Thursday, June 13, 2024
Google search engine
Homeटेक्नोलोजीसेकेन्ड ह्याण्ड फोन किन्दा ख्याल गर्नैपर्ने ६ कुराहरु

सेकेन्ड ह्याण्ड फोन किन्दा ख्याल गर्नैपर्ने ६ कुराहरु

पछिल्लो समय सेकेन्ड ह्याण्ड स्मार्टफोनको व्यापार राम्रैसँग बढेको छ । यसका लागि फेसबुक ग्रुप मात्र नभएर ईकमर्स कम्पनीले व्यवसायिक रुपमा नै सेकेन्ड ह्याण्ड मोबाइल खरिद बिक्रीमा काम गरिरहेका छन् ।यस्ता अनलाइन माध्यम माध नभएर अफलाइनमा समेत सेकेन्ड ह्याण्ड स्मार्टफोनको कारोबार हुने गरेको छ ।

यदि तपाईं सेकेन्ड ह्याण्ड फोन किन्ने सोचमा हुनुहुन्छ भने ध्यान दिनुपर्ने केही महत्वपूर्ण विषय जान्नुहोस् ।

 १. फोनको मूल्य

तपाईं जुन सेकेन्ड ह्याण्ड फोन खरिद गर्दै हुनुहुन्छ त्यो फोन कहिले सार्वजनिक भएको थियो र त्यसको अहिलेको मूल्य कति छ भन्ने कुरा पत्ता लगाउनुहोस् । कतिपय समय सेकेन्ड ह्याण्ड फोनको मूल्य त्यसको नयाँ मोडलको आसपास हुन सक्छ अथवा अन्तर एकदमै थोरै हुन्छ ।

उदाहरणको लागि तपाईं जुन सेकेन्ड ह्याण्ड स्मार्टफोन खरिद गर्दै हुनुहुन्छ त्यसको नयाँ फोन को मूल्य २० हजार छ भने त्यस लाई सेकेन्ड ह्याण्ड मा खरिद गर्दा १२ हजार रुपैयाँमै हुनसक्छ । यसको लागि यो फोन खरिद गरिएको समय र फोन मा कुनै समस्या छ कि छैन। त्यस फोन मर्मत गरिएको छ कि छैन हेर्न जरुरि हुन्छ।

२. फोनको एक्सेसरिज

चार्जर एडप्टर, यूएसबी केबल, इयरफोन लगायतका फोनसँगै आउने एक्सेसरिजले राम्रोसँग काम गरिरहेका छन् कि छैनन् भन्ने कुरा पनि चेकजाँच गर्नुहोस् । साथै यूएसबी केबलबाट डेटा ट्रान्सफर भइरहेको छ कि छैन भन्ने कुरा पनि चेक गर्न जरुरी छ ।

सबैभन्दा महत्वपूर्ण विषय यी एक्सेसरिज ओरिजिनल हुन् वा होइनन् भन्ने कुरा पनि हेरिहाल्नुहोस् । सामान्यतया मोबाइल कम्पनीहरुले यस्ता एक्सेसरिजमा ६ महिनाको वारेन्टी दिइरहेका हुन्छन् ।

३. फोन फर्मेट गर्नुहोस्

फोनमा सिम राख्नु अगाडि त्यसमा दुई वा तीन पटक फर्मेट तथा फ्याक्ट्री रिसेट गर्नुहोस् । फोनमा कुनै प्रि इन्स्टल्ड एप वा कुनै बग अथवा भाइरस भएको खण्डमा यसबाट त्यसलाई हटाउँछ ।

फोनलाई फर्मेटका लागि सेटिङमा गएर सेक्युरिटी हुँदै फर्मेट वा फ्याक्ट्री रिसेटको अप्सन फेला पार्न सक्नुहुनेछ । त्यसमा ट्याप गर्नुहोस् । अब फोनमा सिम र मेमोरी कार्ड राखेर अन गर्नुहोस् ।

फोन अन भइसकेपछि मेमोरी कार्ड रिड हुन्छ वा हुँदैन भन्ने कुरा यकिन गर्नुहोस् । र मोबाइलको नेटवर्क कत्तिको आइरहेको छ त्यो पनि ख्याल राख्नुहोस् ।

४. डिस्प्ले र क्यामेराको जाँच गर्नुहोस्

जब फोन अन हुन्छ तब सबैभन्दा पहिले फोनकको स्क्रिनका सबै भागमा टच गरेर हेर्नुहोस् । सकेसम्म फोनमा कुनै गेम खेलेर यसको जाँच गर्न सक्नुहुन्छ ।

यसबाट फोनको डिस्प्ले कत्तिको प्रभावकारी छ भन्ने कुरा थाहा हुन्छ । साथै फोनको रियर तथा फ्रन्ट क्यामेरालाई समेत राम्रोसँग चेकजाँच गर्नुहोस् ।

यसबाट क्लिक गर्दा निस्किने फोटोको क्वालिटी सही छ वा छैन त्यो पनि विचार गर्नुहोस् । अब फोनबाट कल गरेर चेक गर्नुहोस् । फोनमा उचित किसिमले नेटवर्क र आवाज आइरहेको छ वा छैन विचार पुर्‍याउनु होस् ।

५. कनेक्टिभिटी र ब्याट्री ब्याकअप

फोन कति समयमा फुल चार्ज हुन्छ र त्यसको ब्याट्री कति समयसम्म टिक्छ भन्ने कुराको पनि ख्याल राख्नुहोस् । साथै फोनका कनेक्टिभिटी फिचरलाई समेत जाँच पड्ताल गर्न नबिर्सिनुहोस् । यदि फोनले ओटीजी केबललाई सपोर्ट गर्दछ भने त्यसमा पेनड्राइभ लगाएर हेर्नुहोस् ।

६. बिल र आईएमईआई

अन्तिम अनि सबैभन्दा महत्वपूर्ण कुरा तपाईं जुन सेकेन्ड ह्याण्ड स्मार्टफोन खरिद गर्दै हुनुहुन्छ त्यसको इन्वाइस बिल चेक गर्न नबिर्सिनुहोस् । फोन बिक्री गर्ने व्यक्तिले बिल हराइसकेको बताउन सक्छ ।

यदि मोबाइल चोरीको वा हराएको रहेछ भने तपाईं अनावश्यक रुपमा प्रहरीको झमेलामा पर्न सक्नुहुन्छ । त्यसैले सकेन्ड ह्याण्ड मोबाइल किन्दा पुरानो बिल लिन चाहिँ नबिर्सिनुहोस् ।

फोनको आईएमईआई नम्बर चेक गरेर बिलसँग दाँजेर हेर्नुहोस् । मोबाइलमा *#06# डायल गरेर फोनको आईएमईआई नम्बर थाहा पाउन सक्नुहुन्छ । यसरी बिलमा भएको आईएमईआई नम्बर र मोबाइलमा देखिएको आईएमईआई नम्बर एउटै भएको सुनिश्चित गर्नुहोस् ।

शनिबार संवाददाता
शनिबार संवाददाताhttps://sanibar.com
स्मार्ट केयर प्रा.ली. द्धारा सञ्चालित SANIBAR.COM लाई नेपाली र अंग्रेजी संस्करणबाट पढ्न, हेर्न र सुन्न सक्नुहुनेछ । एप्सबाट सिधा समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुक, युटुब र ट्वीटरमा टिकटक मा पनि हामिसंग जोडिन सक्नुहुनेछ ।
RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments