काठमाडौं । सामसङले सामान्यतया मिड रेन्ज र सो भन्दा माथिको महँगा फोनमा ५,००० एमएएचको क्षमताको ब्याट्री उपलब्ध गराउने गर्छ । तर यो पटक भने सामसङले मिडरेन्ज भन्दा सस्तो स्मार्टफोनमा पनि कम्पनीले ५,००० एमएएचको ब्याट्री उपलब्ध गराएको छ ।
कम्पनीले हालै सार्वजनिक गरेको ग्यालेक्सी ए२३ फाइभजीमा ५,००० एमएचको ब्याट्री उपलब्ध छ । २९९ डलर मूल्य रेन्जको मोबाइलमा कम्पनीले बिरलै ५,००० एमएएचको ब्याट्री उपलब्ध गराउने गर्छ ।
यसैले पनि ग्यालेक्सी ए२३ ले राम्रो बजार पाउने अनुमान गरिएको छ । ब्याट्री क्षमताबाहेक यस स्मार्टफोनमा अन्य थुप्रै फिचरहरू पनि उपलब्ध छन् ।
फोनमा १२० हर्ज रिफ्रेस रेट सहितको ६.६ इन्चको डिस्प्ले छ भने यसमा क्वालकमको स्न्यापड्रागन ६९५ प्रोसेसर उपलब्ध छ । ६४ जीबीको इन्टरनल स्टोरेज सहित यसमा १ टीबीसम्मको माइक्रो एसडी कार्ड प्रयोग गर्न सकिनेछ ।
फोनमा ५० मेगापिक्सेलको मुख्य क्यामेरा पनि दिइएको छ । कम्पनीले यो फोनलाई फाइभजी सपोर्ट गर्ने सबैभन्दा सस्तो फोनको रुपमा दाबी गरेको छ ।
