बेलायतकी महारानी एलिजावेथ द्वितियाको ९६ वर्षको उमेरमा निधन भएको छ । महारानीको स्कटल्याण्डस्थित बालमोरल दरबारमा निधन भएको हो ।
केही दिनदेखि चिकित्सकहरुको निगरानीमा रहेकी उनको बिहीबार निधन भएको डेल्ली मेलले जनाएको छ ।
महारानीको निधन भएको दी ग्राडेनले पनि पुष्टि गरेको छ । ‘बकिङ्घम प्यालेसको विज्ञप्ति रानी एलिजाबेथ द्वितीयको बालमोरलमा निधन भएको छ र नयाँ राजा र रानी पत्नी साँझ बालमोरलमै रहनेछन् ।’ प्रकाशित समाचारमा भनिएको छ ।
महारानी सामान्यतया गृष्ममा बालमोरल दरबारमै बिताउने गर्थिन् । सोही परम्परा अनुरुप उनी पछिल्ला दिनदेखि सोही दरबारमा रहेकी थिइन् । मंगलबार उनले सोही दरबारबाटै नयाँ प्रधानमन्त्रीका रुपमा लिज ट्रसलाई पनि भेटेकी थिइन् ।
प्रधानमन्त्री लिज ट्रसले ‘महामारीको स्वास्थ्यप्रति सम्पूर्ण देश गहिरो चासो दिइरहेको’ प्रतिक्रिया दिएकी थिइन्। महारानी एलिजाबेथ द्वितीयाका चार छोराछोरी, आठ नाति नातिना र १२ जना पनाती पनातीना छन् ।
