काठमाडौं । रियलमीले नेपाली बजारमा नयाँ स्मार्टफोन सार्वजनिक गरेको छ । कम्पनीले हालै ‘रियलमी सी३०’ मोडलको सस्तो स्मार्टफोन नेपाली उपभोक्ताका लागि उपलब्ध गराउन थालेको हो ।
युनिसक टाइगर टी६१२ चिपबाट सञ्चालित फाेन अल्ट्रा स्लिम भर्टिकल डिजाइनमा आएको छ ।
२/३२ जीबी भेरियन्टको मूल्य १३ हजार ४९९ रूपैयाँ र ४/६४ जीबी भेरियन्टको मूल्य १९ हजार ९९९ रुपैयाँ निर्धारण गरिएको छ ।
फोनको हाइ स्पिड फ्ल्याश स्टोरेजले तीन गुणासम्म छिटो डेटा रिड र राइट गर्नसक्ने कम्पनीकाे भनाइ छ ।
यसमा पछाडिको क्यामेरा ८ मेगापिक्सेलको छ भने अगाडिको क्यामेरा ५ मेगापिक्सेलको छ ।
फोनमा ५००० एमएएचको ब्याट्री छ । कम्पनीका अनुसार याे फाेन स्ट्यान्डबाइ मोडमा ४५ दिनसम्म टिक्छ ।
