काठमाडौं। के तपाईं विवाहका लागि केटा वा केटीको खोजीमा हुनुहुन्छ? अथवा तपाईले खोजे जस्तो वर वा वधू नपाएर हैरानी पाइरहनु भएको छ? यदि त्यसो हो भने अब तपाईंले तनाव लिनु पर्दैन। अब तपाईँले घरमै बसीबसी उपयुक्त वर वा वधू खोज्न सक्नुहुनेछ। हाफफूल टेक्नोलोजीले विवाहका लागि केटा वा केटी खोज्न सहयोग होस् भन्ने हेतुले ‘पञ्चेबाजा’ एप ल्याएको छ। यस एपबाट तपाईंले आफ्ना छोराछोरी वा अन्य कोही आफन्तका लागि कस्तो वर वा वधू खोज्न चाहानु भएको सोहीअनुसार खोज्न सक्नुहुनेछ। यदि तपाई आफैं पनि केटा वा केटीको खोजीमा हुनुहुन्छ भने यो एपकै माध्यमबाट खोज्न सक्नुहुनेछ। विश्वमा यस प्रकारका धेरै एपहरु प्रयोग हुने गरेका छन्। नेपालमा पनि केही अमेरिकन डेटिङ एप टिन्डर, भारतीय एप साथी लगायतका एपहरु प्रयोग हुने गरेका छन्। यो एपले विवाह गर्न केटालाई केटी र केटीलाई केटा खोजिदिन भूमिका खेल्नेछ। नेपाली सामान्य अर्थमा भन्नुपर्दा यसले लमीको काम गरिदिने सञ्चालक पौड्याल बताउँछन्। कसरी प्रयोग गर्ने? यो एप एन्ड्रोइड र आईओएस दुवैमा उपलब्ध रहेको छ। प्लेस्टोर वा एप स्टोरमा गएर ‘पञ्चेबाजा’ एप डाउनलोड गरिसकेपछि तपाईंले आफ्नो प्रोफाइल बनाउन सक्नु हुनेछ। तस्बिरसहितको प्रोफाइल बनाएपछि तपाईंले खोजेको पार्टनरको समुदाय, शैक्षिक योग्यता, जागिर आदिका विवरण उल्लेख गर्नुपर्नेछ। प्रोफाइल बनिसकेपछि तपाईंले चाहेको सम्भावित को को हुनुहुन्छ, उनीहरुलाई देखाउनेछ। अहिले एपमा मात्रै रहेको र केही महिनाभित्रै यसलाई वेबमा पनि उपलब्ध गराउने कम्पनीको तयारी छ। पछिल्लो समय प्रविधिको प्रयोग बढ्दै गएको र इन्टरनेटको पहुँच पनि गाउँगाउँमा पुगिसकेकाले यो यो एप नेपालीहरु माझ लोकप्रिय हुन सक्ने कम्पनीको अपेक्षा छ।  

काठमाडौँ। स्वास्थ्य तथा जनसंख्या मन्त्रालयका प्रवक्ता डा. विकाश देवकोटाले बाहिरबाट आउने यात्रीहरुलाई निगरानी गर्दा कोरोना भाइरस नेपाल भित्रिन नसक्ने बताएका छन्। मंगलबार रिपोर्टर्स क्लवले आयोजना गरेको कार्यक्रममा उनले भने,‘कोरोनालाई नेपाल आउन नदिनु हाम्रो प्रमुख लक्ष्य हो। सोहीअनुसार काम गरिररहेका छौं। सरकारले राम्रो तयारी गरेको छ।’ डा. देवकोटाले त्रिभुवन अन्तर्राष्ट्रिय विमानस्थलमा ‘हेल्थ–डेस्क’ राखेर काम गरिरहेको स्पष्ट पारे। उनले भने,‘रुघाखोकी, ज्वरो, छाती...