मुख्य समाचार

मोबाईल खबर

Blog

विश्व सञ्चार परिषदको नेपाल च्याप्टर गठन, कार्यसमितिमा को–को ?

काठमाडौं – विश्व सञ्चार परिषद नेपाल च्याप्टरको शनिवार औपचारिक घोषणा गरिएको छ । काठमाण्डौंमा आयोजित एक समारोहका बीच परराष्ट्रमन्त्री प्रदीप ज्ञवालीले परिषदको  नेपाल च्याप्टरको लोगो तथा ब्यानर अनावरण गर्दै शुभारम्भ भएको घोषण गरेका हुन् । सो अवसरमा मन्त्री ज्ञवालीले प्रेस स्वतन्त्रता कायम गर्न सरकार प्रतिवद्ध रहेको बताए। उनले मुलुकको विकासका लागि मिडियाले जिम्मेवारी बहन गर्न आवश्यक रहेको बताए ।

पत्रकारिता एवं आमसञ्चार क्षेत्रमा क्रियाशिल व्यक्तिहरुको सहभागितामा गठित परिषद्को नेपाल च्याप्टरको १९ सदस्यीय कार्य समितिको अध्यक्षमा लक्ष्मणदत्त पन्त रहेरका छन् । यसैगरि उपाध्यक्षमा कपिल काफ्ले, सचिवमा उमेश पोखरेल, सह सचिवमा सुरेश कुमार यादव र कोषध्याक्षमा आरती शिल्पकार रहेका छन् ।

त्यस्तै सदस्यहरुमा यम बहादुर दुरा, डां अभयराज घिमिरे, अमरध्वज लामा, अनिता विन्दु, तुला अधिकारी, जें बि विश्वकर्मा, सुमन गिरी, कृति भुजु, जगदिश्वर पाण्डे, राधा खनाल, श्रीकृष्ण धिमाल, दीर्घराज उपाध्याय र चन्द्रशेखर कार्की रहेका छन् ।

विश्व सञ्चार परिषद नेपाल च्याप्टरका कार्यसमितिलाई पब्लिक रिलेशन काउन्सिल अफ ईन्डिया, कलकत्ता च्याप्टरका अध्यक्ष विश्वजित दासले समितिका सदस्यलाई सपथ ग्रहण गराए । सो क्रममा समितिका सदस्यहरुले सुदृढ र सक्षम समुदायको लागि सञ्चार तथा पत्रकारिता जगतबाट प्राज्ञिक योगदान पुर्याउने प्रतिवद्धता व्यक्त गरे ।  सोहि अवसरमा दक्षिण एशियामा सम्पादकीय स्वतन्त्रताको अवस्था र संचारमा समावेशिताका मुद्दाका विषयमा छलफल भएको थियो ।

सम्पादकीय स्वतन्त्रताका विषयमा प्राध्यापक पीं खरेल, नेपाल समचारपत्रका सम्पादक कपिल काफ्ले, द राईजिङ्ग नेपालका सम्पादक जगदिश पोखरेल, द हिमालयन टाईम्सका सम्पादक प्रकाश रिमाल, गोरखापत्र दैनिकका हरिकला अधिकारी, बाह«खरी डटकमका सम्पादक प्रतीक प्रधान, आलाईनखबरका सम्पादक अरुण बराल, थाहखबर डटकमका सम्पादक, तीर्थ कोईराला, नेपाल पत्रकार महासंघका पूर्वअध्यक्ष धमेन्द्र झा लगायतले आ-आफ्नो विचार राखेका थिए ।

उनीहरुले दक्षिण एशियाको संचारमाध्यमको सम्पादकीय स्वतन्त्रता राज्यको राजनीतिक, आर्थिक, सामाजिक वातावरणले प्रत्यक्ष र परोक्ष असर राख्ने धारणा व्यक्त गरे ।

Source:ratopati

निर्मला हत्या प्रकरणको एक वर्ष, दोषी पत्ता लगाउन सरकार असफल

काठमाडौँ। कञ्चनपुरकी १३ वर्षीया बालिकाको बलात्कारपछि हत्या भएको एक वर्ष पूरा भएको छ । १० साउनको साँझबाट हराएकी उनी भोलिपल्ट उखुबारीमा मृत फेला परेकी थिइन् । उनी चढेको साइकल उखुबारी नजिकैको सडक छेउ फ्याँकिएको थियो ।

उनलाई १० साउनको राति बलात्कारपछि घाँटी थिचेर हत्या गरिएको अनुसन्धानबाट पत्ता लागेपनि वास्तविक हत्यारा अझै पत्ता लाग्न सकेको छैन । शंकाको सुई शक्तिशाली व्यक्ति देखि समान्य व्यक्तिसम्म घुमेको थियो । तर, प्रहरीले वास्तविक दोषी पत्ता लगाउन नसक्दा आलोचित भएको छ ।

घटनास्थल सुरक्षित गर्न नसकेको र प्रमाण जोगाउन नसकेको भनी प्रहरीका उच्च अधिकारीहरु नै कारबाहीमा परे । कञ्चनपुरका तत्कालिन प्रहरी प्रमुख डिल्ली बिष्ट देखि अनुसन्धानमा संलग्न प्रहरी अधिकारीहरु नै निलम्बनमा परे ।

घटनाले राष्ट्रिय अन्तर्राष्ट्रिय चर्चा पायो । जति हल्ला भयो उति दोषी पत्ता लगाउन प्रहरी असफल रह्यो । प्रहरीले शंकाको भरमा पक्राउ परेकाहरुलाई जर्बजस्ती फसाउन खोजिको आरोप समेत लाग्यो ।

दाजुको हत्यामा जेल परेका दिलिप सिंह बिष्ट पक्राउ परे । उनले बयानका क्रममा हत्या स्वीकार गरेका थिए । तर, बिष्ट बारे यथेष्ठ प्रमाण नभेटिएपछि फसाउन खोजएको खबर फैलियो । बिष्ट छुटे ।

नेपाल प्रहरीको इतिहासमा निर्मला पन्त निकै जटिल अनुसन्धानको विषय बनेको छ । शंकास्पदमाथि निगरानी र बेला बेलामा पक्राउ गर्दै बयान लिने गरेबाट प्रहरी झन् आलोचित भयो ।

निर्मला साथीको घरमा गएकी थिइन् । बबिता बम र रोशनी बमलाई समेत पक्राउ गरी अनुसन्धान गरियो । रोशनी निर्मलकी साथी थिइन् । बम दिदीबहिनीको घरमा पुगेर फर्कंदा घटना घटेकाले शंका साथी र उनकी दिदीमाथि पनि गरियो । तर, प्रहरीले यथेष्ठ प्रमाण जुटाउन सकेन ।

सरकारको विभिन्न तहबाट छानविन समिति गठन भयो । तर, निर्मलाका हत्यारा अझै पत्ता लागेन । एक वर्ष बित्दा पनि दोषी खुलेआम हिंडिरहेको छ । तर, पहिचान गरी कारबाही गर्न सकेन ।

ढिलो न्याय दिनु न्याय नदिनु बराबर हो । जति जति दोषी पत्ता लाग्न समय लाग्छ उति उति निर्मला पन्तले न्याय नपाए बराबर हुन्छ ।

मकवानपुरमा भीषण वर्षा, बाटो अबरुद्ध, गाडीलाई खोलाले बगायो

हेटौंडा — मकवानपुरमा रातिदेखि फेरि भीषण वर्षा भएको छ । वर्षाले मकवानपुरका कतिपय बाटोहरु अवरुद्ध गरेको जनाइएको छ । असारमा आएको बाढीले बगाएर १२ दिनपछि सञ्चालनमा आएको हेटौँडा पदमपोखरी सडकको डाइभर्सन बगाएपछि पदमपोखरी तथा मनहरि गाउँपालिकाका कतिपय वडाहरुको हेटौँडा आवतजावत बन्द भएको छ ।

त्यस्तै हेटौँडाको कर्राखोलामा आएको बाढीले एक भारतीय गाडी बगाएको प्रहरीले जनाएको छ । शिवम् सिमेन्टको कच्चा पदार्थ पुर्‌याएर फर्कने क्रममा गाडीलाई खोलाले बगाएको हो । गाडीका चालक तथा सहचालक भने सकुशल रहेको जिल्ला प्रहरी कार्यालयका प्रहरी निरीक्षक अनिश बुढाथोकीले जानकारी दिए ।

पहिरोका कारण १० दिन अवरुद्ध भएर भर्खरै सञ्चालनमा आएको हेटौँडा फाखेल काठमाडौँ सडकखण्ड भने अहिलेसम्म सञ्चालनमै रहेको मकवानपुरका प्रमुख जिल्ला अधिकारी आसमान तामाङले जानकारी दिए । उत्तरी क्षेत्रमा राति पानी नपरेका कारण अहिलेसम्म बाटो सञ्चालनमै छ तर भर्खर पानी पर्न थालेकाले सावधान हुनुपर्छ,उनले भने ।

डिजे विकी एसियाकै डिजेहरुमध्ये उत्कृष्ट २५ मा, उत्कृष्ट १० को लागि भोट गर्न आह्वान

काठमाडौं । डिजे विकी कुल उर्फ विकी पराजुली एसियाज टप पच्चिस डिजेएस १०१९ मा टप २५ मा पर्न सफल भएका छन् । काठमाडौंका चर्चित क्लबहरुमा डिजे गरिसकेका छन् विकीले एसियाका डिजेहरुको सुचीमा टप २५ मा पर्न सफल भएका हुन् ।

गएको वर्ष उनी टप २० मा पर्न सफल भएका थिए । उनले १४ औँ स्थानमा आफनो नाम कायम गराउन सफल भएका थिए । यो वर्ष भने टप २५ को नोमिनेशनमा पर्न सफल भएका छन् । अब उनले कुन स्थान हात पार्ने हुन त्यो भोटिङका आधारमा स्थान सुरक्षित गर्नेछन् । तर टप टेनभित्र पार्नका लागि यतिबेला उनले आफुलाई भोट गर्न आह्वान गरेका छन् ।

भोटिङ सिस्टम यतिबेला खुल्ला गरिएको छ । नेपाल र नेपालीको पहिचान सहित एसियाकै पहिलो ब्यक्ति डिजे विकी कुल बनाउनको लागि यहाँ क्लिक गरेर भोट गर्न सकिने छ ।

डिजे विकी भनेपछि युवा पुस्ताहरुको मनमनमा बस्न सफल भएका छन् । उनले विश्वकै सर्वोकृष्ट १०० मा नाम आएका डिजे स्टेभ ओइकी। डिजेज फ्रम मार्स, बास ज्याकर्स, मार्निक, रेभ एण्ड क्रेभ जस्ता डिजेहरुसंग स्टेज सेयर गरिसकेका छन् । त्यतिमात्र होइन डिजे विकी कुलले अन्तरर्राष्ट्रिय कलाकारहरु आदित्य नारायण झा, सियन किङस्टन, जस्ता कलाकारहरुसंग पनि स्टेज सेयर गरिसकेका विकी नेपाललाई एसियामा डिजेको माध्यमबाट चिनाउने पहिलो ब्यक्तिका रुपमा विकीलाई चिन्ने गरिन्छ ।

यसरी नेपालीले विदेशमा प्रतिस्पर्धा गरेर नेपालको पहिचान दिइरहेका डिजे विकी कुललाइ टप १० मा पार्नको लागि यतिबेला भोटिङ आह्वान गरिएको छ । डिजे विकीलाई भोट गर्नको लागि तलको फोटोमा क्लिक गर्नुहोस् ।

Asia’s Top 25 DJ of 2019

Dj Bki Cool Official Contacts

http://djbkicool.com

https://www.facebook.com/DjBkiCoOL/

शाओमीको आधिकारिक सर्विस सेन्टर ताम्राकार कम्प्लेक्सको पाँचौं तल्लामा

काठमाडौं । शाओमी नेपालले आफ्नो आधिकारीक सर्भिस सेन्टर ताम्राकार कम्प्लेक्समा संचालनमा ल्याएको छ । शाओमीका स्मार्टफोन प्रयोगकर्ताहरुको सुविधालाई ध्यानमा राखेर शाओमी नेपालले ताम्राकार कम्प्लेक्सको पाँचौं तल्लामा आफ्नो आधिकारीक सर्विस सेन्टर संचालनमा ल्याएको हो ।

शाओमीको आधिकारीक सर्विस सेन्टरको उद्घाटन शाओमी नेपालका कन्ट्रि हेड सौरभ कोठारी, शाओमीका साउथ एशिया सर्विस हेड मिन्तेस कुमार, टेली डिरेक्टका संजय अग्रवाल, वत्सल इम्पेक्सका गौरव शारदा, ईसीआरसीका संजित पौडेललगायत कम्पनीका अधिकारीहरु तथा प्रतिनिधिले संयुक्तरुपमा गरे ।

सो सर्विस सेन्टरमा शाओमीको कुनै पनि स्मार्टफोन, एसेसरिजको मर्मत सर्विस उपलब्ध हुनेछ भने ग्राहकहरुको चाहनाअनुसार विभिन्न किसिमका एसेसरिज पनि किन्न सकिने सुविधा उपलब्ध रहेको छ ।

सर्विस सेन्टरले नेपाली सेवाग्राहीहरुलाई शाओमीको अन्तर्राष्ट्रिय स्तरको सर्विस दिने जनाएको छ ।

दोलखामा कारागारभित्रै कैदीकाे मृत्यु, आत्महत्याकाे आशंका

दोलखा – दोलखामा मंगलबार एक कैदी कारागारभित्रै मृत अवस्थामा भेटिएका छन् । कारागारको शौचालयभित्र इजारजस्तो देखिने डोरी घाँटीमा पासो लगाएकाे अवस्थामा जिरी नगरपालिका वडा नम्बर-९ का ३८ वर्षीय तस्बिर तामाङ भेटिएका हुन् । शौचालय गएका तामाङ दिउँसो १२ः४५ बजे शौचालयभित्र मृत अवस्थामा फेला परेको जिल्ला कारागार दोलखाका निमित्त प्रमुख मित्रबन्धु तिवारीले जानकारी दिनुभयो ।

मंसीर १० गते घरायसी विवादमा आग्लोले प्रहार गर्दा ३३ वर्षीया श्रीमती राममाया तामाङको ज्यान गएपछि मृतक तामाङलाई मंसिर १२ गते रामेछाप प्रहरीले काठमाण्डौ जान लागेको अवस्थामा पक्राउ गरेको थियो ।

त्यसपछि मृतक तामाङलाई जिल्ला अदालत दोलखाले पौष ५ गते जिल्ला कारागार दोलखामा पुर्पक्षका लागि थुनामा पठाएको थियो । जिल्ला अदालत दोलखाले मंगलबार मात्रै ज्यानसम्बन्धी कसुर अन्तरगत २५ वर्ष कैद फैसला गरेको थियो । मृतकको शव शौचालयभित्र चुकुल लगाएकै अवस्थामा राखिएको छ । मृतकको आफन्त आएपछि मुचुल्का तयार गरी पोष्टमार्टम गरिने दोलखाका प्रहरी प्रमुख प्रहरी नायब उपरीक्षक वासुदेव पाठकले जानकारी दिनुभयो ।

यस अघि माघ १६ गते दोलखा जिल्ला अदालतले श्रीमती हत्या आरोपमा पुर्पक्षका लागी थुनामा पठाएकै रात कालिञ्चोक गाउँपालिका वडा नम्बर ५ लापिलाङका २४ वर्षीय च्याङा शेर्पाले कारागारको शौचालयको झ्यालमा झुण्डिएर आत्महत्या गरेका थिए ।

जिल्ला कारागार दोलखामा पहिलो पल्ट शौचालय भित्र थुनुवाले आत्महत्या गरेपछि बन्दिबाटै नियुक्त गरिने कर्मचारीसहितको आन्तरिक प्रशासनमा कर्मचारी थप गरिएको थियो । यस अघि नाइके, सह नाइके, चौकिदार गरी जम्मा १२ जना राख्ने गरिएकामा थप गरी ३ जना नाइके, १६ जना सह नाइके र १ जना चौकिदार गरी २० जनाको आन्तरिक प्रशासन खडा गरिएको थियो । 

पाैडेलकाे बचाउ गर्दै प्रधानमन्त्रीले भने : राजाकाे शासनका बेला जमिन किन्नुभएकाे रहेछ

काठमाण्डाै – प्रधानमन्त्री केपी शर्मा ओलीले बालुवाटारको जग्गालाई लिएर सिंगो पार्टीविरुद्ध भ्रम फैलाउने काम भएको बताउनुभएको छ । मंगलबार संघीय संसद भवनमा बसेको नेकपा संसदीय दलको बैठकलाई सम्बोधन गर्दे नेकपाका अध्यक्षसमेत रहेका प्रधानमन्त्री ओलीले धेरैले किनबेच गरिसकेपछि किनेका महासचिव विष्णु पौडेलले बालुवाटारको जग्गा नहडपेको बताउनुभयो ।

प्रधानामन्त्री ओलीले बालुवाटारको जग्गा किन्नका लागि महासचिव पौडेलले पदीय दुरुपयोग नगरेको भन्दै उहाँको बचाउ गर्नुभयो । उहाँले भन्नुभयो, ‘२०६१ सालमा राजाको शासनका बेला, हाम्रो सरकारको बेला होइन, जमिन किन्नुभएको रहेछ । धेरैले किनबेच गरिसकेपछि थाहा नपाएर अरुले गरेको किनबेच त्यो हडपेको होइन । त्यस सम्बन्धमा अहिले मैले केही भनिहाल्नु आवश्यक छैन ।’

उहाँले सरकारी सम्पत्ति जुसुकैले हडपेको भए पनि सरकारले त्यो फिर्ता गर्ने प्रतिबद्धता जाहेर गर्नुभयो । बालुवाटारको जग्गा सरकारी पर्छ कि पर्दैन भन्ने समयक्रमले देखाउने भन्दै उहाँले सरकारले हडप भएका सबै सार्वजनिक जग्गा फिर्ता ल्याउने दाबी गर्नुभयो । उहाँले भन्नुभयो, ‘ललिता निवासको बेचिएको भनिएको जग्गाको तथ्य हाम्रो सरकारले बाहिर ल्याएको हो । अहिले सरकारविरुद्ध उल्टै प्रतिपक्षीहरु बोलिरहेका छन् । सरकारी सम्पत्ति जहाँसुकै जोसुकैले हडप गरेको होस् । त्यो जमिन दृढतापूर्वक, कडाइका साथ फिर्ता ल्याने छ । र फिर्ता ल्याउँदा कसलाई मर्का पर्छ हेरिने छैन ।’

प्रधानमन्त्री ओलीले भ्रष्टाचारविरुद्ध सरकार अझै कडा रुपले प्रस्तुत हुने बताउनुभयो । उहाँले वाइड वडी प्रकरणलगायत भ्रष्टाचारका काण्डहरुको सरकारले छानबिन गर्ने र दोषीलाई अनुहार नहेरी कारबाही गर्ने बताउनुभयो । सरकारी र सार्वजनिक जग्गा हडपन नदिने अभियानमा लागेको सरकारले खुला मञ्चको टहरा भत्काएको दाबी गर्नुभयो । उहाँले भन्नुभयो, ‘भृकुटीमण्डप हामीले बेचेको हो ? रत्नपार्कमा हामीले टहरा ठड्याएको हो ? हामीले त्यहाँका टहरा भत्काएका छौँ । सरकारी जमिन फिर्ता पनि ल्याएका छौँ ।’

प्रधानमन्त्री ओलीले शान्ति सुरक्षा तथा अमनचैनमा खलल पर्ने गरी बम पड्काउने तथा आतंक फैलाउने कुनै पनि काम हुन नदिने भन्दै घुमाउरो शैलीमा नेत्रविक्रम चन्द विप्लव समूहमाथि लगाएको प्रतिबन्ध फिर्ता नहुने संकेत गर्नुभयो । उहाँले सरकार गठनको एक वर्षमा विकास र सम्मृद्धिका लागि आधार तय गरिसकेकाले मुलुक अब समृद्धिको बाटोमा अघि बढ्ने बताउनुभयो ।

विगतको सरकारको समयमा भन्दा आफ्नो नेतृत्वको सरकारको समयमा देशमा शान्ति सुरुक्षाको अवस्था मजबुत भएको दाबी पनि उहाँले गर्नुभयो । उहाँले अधिकारकर्मीहरुले निर्मला पन्तका परिवारलाई अनावश्यक दबाब दिने काम गरेको टिप्पणी गर्नुभयो ।

राष्ट्रियसभामा आठ विधेयक

काठमाण्डाै – चौथो अधिवेशनमा राष्ट्रियसभामा आठ विधेयक प्रस्तुतिको तयारी छ । चार विधेयक राष्ट्रियसभामै उत्पन्न भएका हुन् । सभामै उत्पन्न भएका विधेयकमा विज्ञापन नियमन, ज्येष्ठ नागरिक (पहिलो संशोधन), नागरिक लगानी कोष र प्रशासकीय अदालतसम्बन्धी विधेयक छन् । 

यसैगरी राष्ट्रियसभामा तेस्रो अधिवेशन समापनका दिन गत चैत १० गते दर्ता भएको प्रमाण र सङ्घ, प्रदेश र स्थानीय तह (अन्तर सम्बन्ध व्यवस्थापन) विधेयक रहेको राष्ट्रियसभाको विधि व्यवस्थापन महाशाखा प्रमुख मनोजकुमार गिरीले जानकारी दिनुभयो । 

यसैगरी राष्ट्रियसभामा विचाराधीन अवस्थामा रहेका दुई विधेयक छन् । खेलकूद विधेयक विधायन व्यवस्थापन समितिमा विचाराधीन छ । यसैगरी प्रतिनिधिसभाबाट पारित भई आएको राहदानी विधेयक विधायन व्यवस्थापन समितिको प्रतिवेदनसहित सभामै विचाराधीन अवस्थामा रहेको महाशाखा प्रमुख गिरीले बताउनुभयो । 

राहदानी विधेयक गत असोज ११ गते प्रतिनिधिसभाबाट राष्ट्रियसभामा आएको हो । नेपालको संविधान २०७२ को धारा १११ को उपधारा (५)मा प्रतिनिधिसभाबाट पारित भई राष्ट्रियसभामा गएको विधेयक दुई महीनामा पारित हुनुपर्ने व्यवस्था छ । दुई महीनामा पारित नगरे प्रतिनिधिसभाले टुङ्गो लगाउन सक्ने अधिकार छ । हालसम्म प्रतिनिधिसभाले यस सम्बन्धमा कुनै निर्णय गरेको छैन ।

सगरमाथाको बेस क्याम्पमा चार वटा शव भेटिए

काठमाण्डौ – विश्वको सर्वोच्च शिखर सगरमाथा सफाइ अभियानका क्रममा ४ वटा शव भेटिएका छन् । सगरमाथा सफाइ अभियान अन्तर्गत सगरमाथाको बेस क्याम्प पुगेको टोलीले सफाइका क्रममा ४ वटा शव भेटेको हो ।

सगरमाथा सफाइ अभियानमा जुटेको टोलीले सफाइको क्रममा हालसम्म ४ वटा शव भेटिएको जानकारी प्राप्त भएको संस्कृति, पर्यटन तथा नागरिक उड्डयन मन्त्रालय पर्यटन विभागका महानिर्देशक डण्डुराज घिमिरेले जानकारी दिनुभयो । वैशाख १ गतेबाट सुरु गरिएको सफाइ अभियान सगरमाथाको बेस क्याम्पमा पुगेको छ । 

नेपाल सरकार, खुम्बु पासाङ गाउँपालिका, नेपाली सेना, नेपाल पर्वतारोहण संघ, सगरमाथा प्रदुषण नियन्त्रण समिति र सगरमाथा राष्ट्रिय निकुञ्जको संयुक्त टोलीले गएको वैशाख १ गतेबाट सगरमाथा सफाइ अभियान सुरु गरेको हो । अभियान अन्तर्गत हालसम्म ३ हजार केजी फोहोर संकलन गरिएको र त्यसमध्ये करिब एक हजार केजी फोहोर हेलिकप्टरमार्फत् काठमाण्डौ ल्याइएको पत्रकार सम्मेलनमा जानकारी गराइएको छ ।

अभियानले ४५ दिनभित्र सगरमाथाको फोहोर संकलन गर्ने लक्ष्यका साथ काम अघि बढाएको छ । सफाइ अभियानमा १२ जना जनशक्ति परिचालन गरिएको छ । नेपाल पर्यटन बोर्डका अनुसार कार्यक्रम सम्पन्न गर्नका लागि करिब दुई करोड ३२ लाख १६ हजार लाग्ने अनुमान गरिएको छ ।

आज कांग्रेस संसदीय दलको बैठक

काठमाडौं । प्रमुख प्रतिपक्षी दल नेपाली कांग्रेसको संसदीय दलको बैठक बस्दैछ।  दलको कार्यालय सिंहदरवारमा आइतबार अपराह्न  ३ बजे बस्ने बैठकमा संसद बैठकमा प्रस्तुत गर्ने विषयबारे छलफल हुन लागेको कांग्रेस सचेतक पुष्पा भुसालले जानकारी दिइन्। संघीय संसदको बर्खे अधिवेशन सोमबार सुरु हुन लागेकाले संसद बैठकमा उठाउने एजेण्डा तय गर्ने सचेतक भुसालको भनाइ छ।

उनका अनुसार पार्टीले संसदमा खेलेका भूमिकाका बारेमा पनि समीक्षा गरिने छ। पछिल्लो समय सत्ता पक्ष र विपक्षीबीच संवैधानिक निकायमा पदाधिकारी नियुक्तिमा विवाद देखिदै आएको छ। प्रमुख प्रतिपक्षी दलको उपस्थितिविना नै सर्वोच्च अदालतका पाँच न्यायाधीश र निर्वाचन आयोगका प्रमुख आयुक्तलगायतका व्यक्ति नियुक्ति गरेको भन्दै कांग्रेसले असन्तुष्टि पोख्दै आएको छ। त्यसबारेमा समेत समीक्षा हुने भुसालले जानकारी दिइन्।

बिशेष समाचार

%d bloggers like this: