जन:चासो

मकवानपुरमा भीषण वर्षा, बाटो अबरुद्ध, गाडीलाई खोलाले बगायो

हेटौंडा — मकवानपुरमा रातिदेखि फेरि भीषण वर्षा भएको छ । वर्षाले मकवानपुरका कतिपय बाटोहरु अवरुद्ध गरेको जनाइएको छ । असारमा आएको बाढीले बगाएर १२ दिनपछि सञ्चालनमा आएको हेटौँडा पदमपोखरी सडकको डाइभर्सन बगाएपछि पदमपोखरी तथा मनहरि गाउँपालिकाका कतिपय वडाहरुको हेटौँडा आवतजावत बन्द भएको छ ।

त्यस्तै हेटौँडाको कर्राखोलामा आएको बाढीले एक भारतीय गाडी बगाएको प्रहरीले जनाएको छ । शिवम् सिमेन्टको कच्चा पदार्थ पुर्‌याएर फर्कने क्रममा गाडीलाई खोलाले बगाएको हो । गाडीका चालक तथा सहचालक भने सकुशल रहेको जिल्ला प्रहरी कार्यालयका प्रहरी निरीक्षक अनिश बुढाथोकीले जानकारी दिए ।

पहिरोका कारण १० दिन अवरुद्ध भएर भर्खरै सञ्चालनमा आएको हेटौँडा फाखेल काठमाडौँ सडकखण्ड भने अहिलेसम्म सञ्चालनमै रहेको मकवानपुरका प्रमुख जिल्ला अधिकारी आसमान तामाङले जानकारी दिए । उत्तरी क्षेत्रमा राति पानी नपरेका कारण अहिलेसम्म बाटो सञ्चालनमै छ तर भर्खर पानी पर्न थालेकाले सावधान हुनुपर्छ,उनले भने ।

यसकारण हुन्छ पटक पटक गर्भपात

एजेन्सी । सामान्यतः गर्भपात मेडिकल कारणले हुन्छ । आनुवाशिंक कारण, प्लासेन्टा ९साल० कोस्थिती, योनीमा निरन्तर संक्रमण, मधुमेहको कारण हुने संक्रमण, गलत औषधिको प्रयोग आदि । पहिलो ट्राइमेस्टर (गर्भावस्थाको पहिलो तीन महिनाको अवधी) मा हुने ९० प्रतिशत गर्भपात वशांनुगत कारण नै हुन्छ । धेरै काम गर्ने, उफ्रने, दौडने, नाच्ने र एउटा बच्चापछि चाँडै अर्को बच्चा जन्माउँदा गर्भपात हुने खतरा बढी हुन्छ ।

गर्भपातको हुनुको मुख्य कारण

२० बर्षभन्दा कम र ४० बर्षभन्दा बढी उमेर भएको महिलालाई गर्भपात हुने खतरा २० गुणा बढी हुन्छ । यदी महिलालाई पहिला नै गर्भपात भएको छ भने अर्कोपल्ट गर्भ बस्दा गर्भपात हुने खतरा बढी हुन्छ ।

जुन महिलालाई मधुमेह, हाइपोथाइराइडज्म वा कुनै प्रकारको अन्य रोगबाट पीडित छन् भने यस्तो स्थितीमा पनि गर्भपात हुने खतरा बढ्छ । 
स्टमिक एरिथ्रोमेटस लुपस, गर्भाशयको फाइब्राइड या इन्डोमेट्रोसिस, पोलिस्टिक ओभरीयन सिन्ड्रोम, पोस्ट ट्रमा डिसर्डर, रुबेला हर्पस जस्ता रोगले गर्भपात हुने जोखिम बढाउँछ । शरिरमा हर्मोन अचानक गिरावट हुँदा गर्भपात हुन सक्छ । अल्कोहल, कैफिन, सिगरेटको अत्याधिक सेवन पनि गर्भपातको कारण बन्न सक्छ ।

यस्ता छन् लक्षण

– गर्भपातको धेरै प्रकारको लक्षण देखिन्छ । लक्षण हरेक महिलालाई एकैनासको नहुन पनि सक्छ । गर्भपातको लक्षणमा एउटा हो ‘भजाइनल डिस्चार्ज’ । ब्राउन रंगको या रातो रंगको ब्लड केही दिनसम्म पनि जान सक्छ । तर, गर्भावस्थाको पहिलो तीन महिनासम्म हल्का ‘भजाइनल ब्लीडिङ’ हुनु सामन्य हो ।

– धेरैजसो महिलाहरुलाई गर्भावस्थामा महिनावारीको समयमा जस्तो ढाडको दुखाई हुन्छ र दुखाई झन बढ्दै जान्छ । गर्भावस्थाको दौरान तल्लो पेट दुख्नु पनि एक गर्भपात हुने लक्षण हो ।

– गर्भावस्थाको सुरुवाती चरणमा पेटमा संकुचन महसुस हुन्छ । यदि संकुचन छिटो छिटो बढेमा वा सहन मुस्किल भएमा गर्भापात हुन सक्छ । संकुचन लगभग पाँच देखि बीस मिनेटको दौरानमा हुन्छ । यस्तो संकुचन प्रसवको क्रममा हुन्छ । पहिलो तीन महिनामा यस्तो संकुचन भएमा वेवास्ता गर्नु हुँदैन् ।

– यदि गर्भावस्थाको समयमा तौल अचानक घट्न थाल्यो भने सचेत हुनु जरुरी हुन्छ । यो पनि गर्भपातको एक लक्षण हो ।

बच्ने उपाय

– २० बर्षभन्दा कम र ४० बर्षभन्दा बढी उमेरको महिला आमा बन्दै हुनुहुन्छ भने विशेष ध्यान दिनुपर्छ ।

– दिर्घ रोग जस्तैः–मधुमेय, उच्च रक्तचाप तथा अन्य रोग भएका महिलाले डाक्टरको सल्लाह लिनुपर्छ ।

– गर्भापात हुने शंका लागेमा जाँच गर्नु पर्छ । गर्भाशयको जाँच गरेर त्यसको आकार र सर्भिक्स (पाठेघरको मुख) खुल्ला छ वा बन्द छ भनेर थाहा हुन्छ । गर्भपात हुन लागेको भए सर्भिक्स खुल्ला हुन्छ र धेरैबेरसम्म भ्रूण जिवित रहन सक्दैन र गर्भपात हुन्छ ।

बेवकुफ दाँत : बुद्धि बङ्गरा किन ?

एजेन्सी । मान्छेको मुखमा स्थायी दाँतहरू उम्रिने क्रम पाँच, छ बर्षको उमेर देखी सुरु हुन्छ । सबै भन्दा ढिलो र सबैभन्दा पछाडि पट्टिको चारै कुनामा आउने दाँतलाई बुद्दी बङ्गरा भनिन्छ । सबै बुद्दी बङ्गरा आइसके पछि दाँतको संख्या ३२ पुग्छ । ३२ लक्षणले युक्त मध्ये एक लक्षण ३२ वटा दाँत हुनु पनि हो, बुद्धि बङ्गरा उखेलियो भने एक लक्षण त घट्ने नै भयो, यसैले पनि बुद्धि बङ्गरा उखेल्नु हुन्न भन्ने मान्यता समाजमा रहेको हुन सक्छ ।

बुद्धी बङ्गरा लगभग १७ देखी २१ वर्ष उमेर बीचमा आउने गर्छ तर कसैकसैमा यो अझ ढिलो पनि हुने गर्छ । अंग्रेजीमा ‘विजडम टुथ’ भनिने बुद्धि बङ्गरा निकाल्यो भने वुद्धि पनि हराउने हो कि ? भन्ने अन्धविश्वास पनि हाम्रो समाजमा रहेको छ, बुद्धि र बुद्धि बङ्गरा वीच गोरु वेचेको साइनो समेत छैन भन्ने विज्ञानले पुष्टि गरिसकेको तथ्य हो ।

बुद्धि बङ्गरा चार कुनामा चार वटा आउँछन् तर सबैमा सबै आउन पनि सक्छ, नआउन पनि सक्छ । यसको कुनै निश्चित आकार र वनावट हुँदैन । डल्लो देखी जरा घुम्रिएको हुँदै यसको अवस्था कहिले तेर्सिएको, कहिले छ्ड्के परेको अनि कहिले छेउको दाँतमा अढेश लागेर बसेको भेटिन्छ ।

सबैभन्दा ढिलो अनि पछाडीको कुनामा आउने हुनाले कतिपय अवस्थामा चेपुवामा परेर साह्ै दुःख दिदै बाहिर निस्कन खोज्दा अत्यधिक पिडा हुन्छ , कहिलेकाहिँ त्यो क्षेत्र राम्ररी सफा नहुँदा संक्रमण भै दुख्ने हुन्छ, कहिलेकहि छेउको दाँतलाई घचेडेर पनि दुःख दिन सक्छ ।

२८ वटा दातले सम्पूर्ण चपाउने काम गर्न सक्ने र आफ्नै समयमा आफ्नै पाराले उम्रेको, मुखको सबैभन्दा सूदुरमा रहेकोले सफा गर्दा टुथ व्रसले समेत भेट्न मुस्किल पर्ने बुद्धि बङ्गराको चपाउने काममा तथा सुन्दरतामा कुनै भूमिका पनि रहदैन । जीवनको कुनै पनि समय दुःख दिन सक्ने भएकोले बुद्धि बङ्गरालाई निकालेर फ्याक्न सकिन्छ जस्ले गर्दा भविष्यमा दुःख नदेओस् ।

कतिपयले दुःख दिनु अगाडी नै निकाल्नु हुन्छ भने कतिले दुःख दिए पछि मात्र निकाल्ने गर्नुहुन्छ । दाँत निकाल्दा सामान्य चिरफार पनि गर्नु पर्ने, रगत बग्ने, घाउ बन्ने र कहिलेकहिं निको हुन केहि समय लाग्ने र सामान्य जटिलता (केही महिनामा ठीक हुने) हुन्छ । यी बाहेक अन्य केही हुँदैन । तसर्थ, समस्या गर्न सक्ने सम्भावना भएका बुद्धि बङ्गराहरूलाई निकाल्दा फाईदै हुन्छ र भविस्यमा अपर्झट समस्या आउँदैन ।

बुद्धि बङ्गरा धेरै जसो अवस्थामा दुःख दिने दाँत नै हो, यसको फाइदा भन्दा बेफाईदा बढी देखिने भएकोले पनि उखालेर फाले कै जाती मानिन्छ । मुखभरी टम्म मिलेका दाँतहरु वीच बुद्धि बङ्गरा एक बेवकुफ दातको रुपमा लिइन्छ । (एजेन्सीेको सहयोगमा )

पुरुषहरुको लागि पनि गर्भनिरोधक चक्की

एजेन्सी ।  महिलाहरुले जस्तै पुरुषहरूले पनि परिवार नियोजनको लागि चक्की प्रयोग गर्न पाउने भएको छ । पुरुषहरूका लागि परिवार नियोजनको लागि कन्डम, भ्यासेक्टोमी मात्र नभइ चक्की पनि उप्लब्ध हुने भएको हाे ।

उक्त चक्कीमा शुक्रकीट उत्पादन रोक्ने हर्मोन हुनेछ ।  चक्की बजारमा आउन भने अझै एक दशक लाग्न सक्ने एन्डोक्राइन सोसाइटीको वार्षिक सम्मेलनमा बताइएको छ । अनुसन्धानकर्ताहरूले शुक्रकीटको उत्पादन अस्थायी रूपमा रोक्ने चक्की उत्पादनको लागि एलए बायोमेड र वाशिङ्टन विश्वविद्यालयमा अनुसन्धान गरिरहेका छन् ।

एन्डोक्राइन सोसाइटीको सम्मेलनमा चक्की बारे उनीहरूले चालीस पुरुषमा भएको प्रारम्भिक सुरक्षापरीक्षण उत्साहवर्धक रहेको जनाएका छन् । पाँच पुरुषहरुले चक्कीको प्रयोग गरेका परीक्षणबाट तीन पुरुषहरुले यौन इच्छामा कमी आएको बताए भने दुई जनाले उत्तेजनामा कमी आएको तर यौन क्रियाकलापमा भने असर नपरेको बताइएको बीबीसीमा उल्लेख गरेको छ ।उक्त चक्कीले जन्म रोक्छ की रोक्दैन भन्ने थाहा पाउनको लागि भने लामो परीक्षण आवश्यक्ता रहने बीबीसीमा खबर छ ।

रिसले रोग निम्त्याउँछ

एजेन्सी । रिस एक प्रकारको भावनात्मक संवेग हो । रिस सधैँ नकारात्मक मात्र हुन्छ भन्नेचाहिँ होइन । कहिलेकाहीँ यसले प्रतिस्पर्धीसँग सामाना गर्न पनि सिकाउँछ । यद्यपि, रिसलाई सूक्ष्म ढंगले हेर्ने हो भने यो मानिसमा हुने ऊर्जाको प्रभाव हो । रिस होस् या प्रेम, दुवैमा ऊर्जाकै भूमिका हुन्छ ।

रिस व्यवस्थापन गर्न मानिसलाई त्यति गाह्रो हुँदैन । तर, बुझ्न नखोज्दा या बुझ्न नसक्दा भने रिसले गम्भीर समस्या उत्पन्न गर्न सक्छ । जब रिस उठ्छ तब हामी कि त रिसलाई दबाउँछौँ, कि पोख्छौँ ।रिस उठेका वेला होसपूर्वक काम गर्न आवश्यक हुन्छ । यो नै सबैभन्दा उत्तम उपाय हो । रिस उठ्न लागेको थाहा पाउनासाथ पूर्ण होसमा बस्ने प्रयास गर्नुपर्छ । म के गर्दै छु, के बोल्दै छु, त्यसले दीर्घकालीन असर कस्तो पुर्‍याउँछ भन्ने कुराको बोध हुन आवश्यक छ ।

जब रिसलाई निष्काम भावले हेर्न थाल्छौँ, त्यसपछि रिस स्वस्फूर्त रूपमा कम हुन्छ । यसो गर्दा रिसको ऊर्जा प्रेम, करुणा, क्षमामा रूपान्तरण हुन जान्छ । नियमित ध्यानको अभ्यासले पनि रिस व्यवस्थापनमा सहयोग पुग्छ ।

रिसबाट यस्ता रोग
रिसले मानसिक, भावनात्मक समस्या त निम्त्याउँछ नै, यसका साथै शारीरिक समस्या पनि हुन्छन् । रिसकै कारण टाउको दुख्ने, रक्तचाप, मुटुरोग, ग्यास्ट्रिक, कब्जियत, अपचजस्ता शारीरिक समस्याहरू निम्त्याउन सक्छ ।

रिस व्यवस्थापन गर्न
रिस व्यवस्थापनका लागि आफूलाई रिस उठेकोबारे जानकारी हुन जरुरी हुन्छ । किनभने, चरम रिसको अवस्थामा मानिसले होससमेत गुमाउन पुग्छ । त्यसैले यस्तो वेला आफूले गर्ने गतिविधिबारे पनि सचेत हुन आवश्यक हुन्छ, ताकि क्षणभरको गल्तीले पछि पछुताउन नपरोस् । यसो गर्दा रिसको समयमा पनि मानिसले नराम्रो कार्य गर्न सक्दैन ।

रिस उठेको थाहा पाउासाथ चार–पाँचपटक गहिरो र लामो श्वास लिने, छोड्ने गर्नुपर्छ । त्यसपछि आफूलाई शान्त भएको भावना मनमा लिनुपर्छ । यसो गर्दा रिस कम हुन जान्छ । रिस उठ्नासाथ आफ्नो मनलाई डाइभर्ट गर्नुपर्छ । यसो गर्न सकिएन भने सम्बन्धित ठाउँबाट बाहिर निस्कनुपर्छ । रिस व्यवस्थापनका लागि नियमति योग, ध्यान, प्राणायाम पनि गर्न सकिन्छ ।

फाल्न नहुने फलफुलका बोक्राहरु जसले सुन्दरतामा निखार ल्याउँछ

एजेन्सी । फलफुल मानव शरिरमा पाेषक तत्व दिलाउने आहारमा पर्दछ । यसले हाम्रो शरीरलाई चाहिने भिटामिन उब्लब्ध गराउनुको साथै अनुहारमा चमक ल्याउन सहयोग गर्दछ । फलफुल खाएपछि हामी त्यसको बोक्रालाई फोहरमा मिल्काई दिन्छौ किनकी हामीलाई यसको फाईदाबारे ज्ञान छैन जुन यसप्रकार छन् –

मेवाको बोक्रा – मेवाको बोक्रा तास्दा एक किसीमको सेतो चोपयूक्त तरल पदार्थ आउछ यो सहितको बोक्राले धोएको अनुहारमा केहि समय दलेर छाड्ने र अनुहार सुके पछि अनुहार धोएमा मुलायम तथा चम्किलो महसुस् हुन्छ । यो प्रकृया हप्तामा दुई पटक गरेमा धेरै फरक अनुभव गर्न सकिन्छ ।

खरबुजाको बोक्रा – खरबुजा यस्तो मौसमी फल हो जुन गर्मी महिनामा मात्र पाइन्छ । यसले हाम्रो शरिरमा पानीको कमीलाई केही हदसम्म पूरा गर्ने गर्दछ । खरबुजाको बोक्राको पेष्टलाई अनुहारमा लगाउँदा दादको समस्या हट्छ भने यसले छालालाई विशेष चम्किलो पनि राख्छ ।

सुन्तलाको बोक्रा – सुन्तलामा भिटामिन सि पाईन्छ । यो हाम्रो छालाको लागि निकै फाइदाजनक मानिन्छ । सुन्तलाको बोक्रालाई पेस्ट बनाएर अनुहारमा लगाउँदा ब्ल्याकहेड्स टाढा भाग्छ र छालाका विभिन्न समस्याबाट छुटकारा पाइन्छ ।

केराको बोक्रा – केराको बोक्राबाट प्रशस्त मात्रामा पोषक तत्व पाइन्छ । यसमा भिटामिन बी ६ र बी १२ पाईनुका साथसाथै म्याग्नेसियम र कार्बोहाइड्रेट पाईन्छ । केराको बोक्रामा एन्टिअक्सिडेन्ट हुन्छ जसले स्ट्रेसलाई कम गर्ने गर्दछ । केराको बोक्रालाई अनुहारमा लगाउँदा घामले डढेको र डण्डिफोरको समस्याबाट राहत पाइन्छ ।

आत्मविश्वास बढाउन उपनाउनुस् यस्ता उपाय

एजेन्सी । सफलताको ठुलो राज आत्मविश्वास हो । आत्मविश्वासले मानिसलाई अगाडि बढ्न र नयाँ काम गर्न प्रेरणा दिन्छ । तसर्थ, कुनै काममा सफलता हासिल गर्न आफैँमाथि विश्वास हुन जरुरी छ ।

सकारात्मक सोच विकास

नकारात्मक भावनाले हुन लागेको कामलाई समेत बाधा पुर्‍याउँछ । ससाना अवरोध आउँदा पनि रिस उठ्ने भएमा त्यो सफलताका लागि झनै बाधक हुन्छ । सकारात्मक सोच नभएकासँग आफन्त, सहकर्मी र साथीभाइसमेत बिस्तारै टाढिन्छन् ।

डर हटाउने
आत्मविश्वास बढाउनका लागि सबैभन्दा पहिला आफूभित्रको डरलाई हटाउन जरुरी हुन्छ । कुनै अन्य व्यक्तिले चाहँदैमा तपाईंको आत्मविश्वास बढ्दैन । जसका लागि आफ्नो क्षमताको पहिचान गर्नुपर्छ ।

डाइट र फिटनेस
फिटनेस, सन्तुलित आहारजस्ता कुराले आत्मविश्वासमा भूमिका खेलेका हुन्छन् । आत्मविश्वास बढाउन फिटनेस आवश्यक छ ।

व्यक्तित्व विकास
मानिसको पहिलो दृष्टि तपाईंको बाहिरी आवरणमा पर्छ । तसर्थ, आत्मविश्वास बढाउन लवाइखवाइमा पनि ध्यान पुर्‍याउन जरुरी छ । नसुहाउने ड्रेसअपमा हिँड्दा अरूलाई मात्र नभएर कतिपय अवस्थामा आफैँलाई पनि असहज महसुस भइरहेको हुन्छ ।

मेहनेत
कोही पनि मानिस स्वतः उचाइमा पुगेका हुँदैनन् । जुनसुकै क्षेत्रका पनि हरेक सफल व्यक्ति आत्मविश्वासी हुनुमा निरन्तर मिहिनेत हुन्छ । निरन्तर मिहिनेत गर्दा स्वतः आत्मविश्वास बढ्छ । ।

यसरी हट्छ तनाव

एजेन्सी । तनाव व्यवस्थापनका लागि सन्तुलित दिनचर्या एकद महत्वपूर्ण हुन्छ । त्यसैले, जीवन र दैनिक कार्यलाई आवश्यकता र महत्वपूर्ण आधारमा वर्गीकरण गरी समय निर्धारण गर्नुपर्छ । त्यस्तै, नियमित व्यायाम र आरामले तनावबाट मुक्ति पाउन सकिन्छ ।

सामूहिक सहभागिता
आफ्नो जस्तै रुचि भएका व्यक्ति वा साथीको समूहमा सहभागी हुने गर्नुहोस् । र, रुचिका विषयमा कुराकानी, छलफल आदि गरेमा मानसिक रूपमा स्वस्थ रहन सहयोग पुग्छ ।

काममा व्यस्त
मनमा धेरै कुरा खेलाइरहँदा मानसिक स्वास्थ्यमा निकै असर पर्ने भएकाले कतिपय अवस्थामा मानिसमा डिप्रेसन हुने सम्भावना रहन्छ । तसर्थ, आफ्नो ध्यान बहलाउन सकेसम्म काममा व्यस्त रहन आवश्यक हुन्छ ।

तनावको सामना
तपाईँलाई कस्तो अवस्था र व्यवहारले तनाव हुन्छ रु र, त्यसवेला तपाईँ कस्तो प्रतिक्रिया जनाउनुहुन्छ रु यो मुख्य हो । यदि, तपाईँ कोही व्यक्तिको व्यवहारका कारण तनावमा हुनुहुन्छ भने त्यसको तुरुन्तै प्रतिकार गर्नुहोस् ।

पप्पु कन्स्ट्रक्सनले ४ वर्ष लगाएर निर्माण गरेको पुल भत्काने तयारीमा, भत्काएर पप्पुले आफ्नै लगानीमा निर्माण गनुपर्ने

काठमाडाैं । चार वर्ष लगाएर पप्पु कन्स्ट्रक्सनले निर्माण गरेको पुल भत्काउनुपर्ने भएको छ। कन्स्ट्रक्सनले गुणस्तरहीन निर्माण सामग्री प्रयोग गरेपछि टेकु-कालिमाटी पुल भत्काउनुपर्ने भएको हाे । त्यस्तै तिनकुनेको पुलमा समस्या देखिएको छ ।

मंगलबार संघीय संसद्को विकास तथा प्रविधि समितिमा जवाफ दिँदै मन्त्री महासेठले पप्पु कन्स्ट्रक्सनले निर्माण गरिरहेको दुवै पुलमा सरकारी प्राविधिकलाई छलेर गुणस्तरहीन निर्माण सामग्री प्रयोग गरेको बताउनुभयाे ।  गुणस्तरहीन सामाग्री प्रयोग गरेको पाइएपछि रोक्न निर्देशन दिँदा पनि प्राविधिक नै नराखी ढलान गरेको पनि बैठकमा मन्त्री महासेठले बताउनुभयाे ।

प्राविधिकले टेकु पुल निर्माण रोक्न निर्देशन दिँदा पनि ठेकेदारले अटेर गरी काम गरिरहेकाे मन्त्री महासेठले सुनाउनुभयाे । ‘हामीले पुल निर्माण रोक्न लिखित रुपमा निर्देशन दिएका थियौं। तर, उहाँहरुले त्यो निर्देशनलाई लत्याएर रातारात सरकारी प्राविधिक समेत नराखी पुल ढलान गर्नुभयो ।’ उहाँले भन्नुभयाे, ‘राति काम गर्नु अन्यथा नभए पनि प्राविधिकको उपस्थितिविना काम हुनु गलत हो ।’ 

त्यस्तै, तिनकुने पुलमा स्ट्रक्चर उठाउन आवश्यक गहिराइमा नपुर्‍याई निर्माणको काम अघि बढाइएको भेटिएकाले तत्कालका लागि काम रोकिएको मन्त्रीले बताउनुभयाे । दुवै पुल निर्माणमा प्राविधिकको भने कुनै गल्ती नभेटिएको मन्त्रीको दाबी छ ।

बिग्रिएको पुल भत्काएर पप्पुले आफ्नै लगानीमा निर्माण गनुपर्ने

अब बिग्रिएको पुल भत्काएर पप्पुले आफ्नै लगानीमा निर्माण गनुपर्ने उहाँले बताउनुभयाे । त्यसका लागि कानुनी प्रकृया समेत अघि बढाएको उहाँले बताउनुभयाे । पुलमा देखिएका कमजोरीबारे इन्जिनियरिङ अध्ययन संस्थान पुल्चोकबाट अध्ययनसमेत भइरहेको छ ।

निर्माण सम्पन्न भएकाे टेकु-कालिमाटी पुल अत्यन्तै कमजोर पाइएकाले सरकारले नै संचालनमा रोक लगाएको छ। बनिसकेको ६२ मिटर लामो पुलमा गाडी गुडाउन निषेध गरिएको छ। सडक विभागले महानगरीय ट्राफिक प्रहरी कार्यालयलाई जतिसुकै बेला भत्कन सक्ने भन्दै संचालनमा रोक लगाउन पत्राचार गरेको थियो।

एसियाली विकास बैक (एडिबी) को २० करोड १३ लाख ऋण सहयोगमा पुल निर्माण गरिएको हो। 
भौतिक पूर्वाधार तथा यातायात मन्त्रालय अन्तर्गतको सडक विभागको काठमाडौं दिगो शहरी यातायात आयोजनाले २०७१ को असारमा पप्पु कन्स्ट्रक्सनसँग पुल निर्माण सम्झौता भएको थियो। सम्झैता अनुसार कन्स्ट्रक्सनले २०७४ मंसिरमा सम्पन्न गरिसक्नु पर्ने थियाे । तर कम्पनीले एक वर्ष ढिला गरी काम सकेको थियो।प्रतिक्रिया दिनुहोस्

महिलाको रोजाईमा होचा पुरुष बढी, होचा पुरुष सँग विवाह गर्ने महिला बढी खुसी

काठमाडौं : प्रेम सम्बन्धमा रहन होस् वा विवाह गर्नको लागि होस् हरेक शारीरिक हिसावले महिलाको रोजाइमा अग्लो हाइट भएको पुरुषह रोजाइमा पर्ने गर्छन्। तर एक अध्ययनले अग्लो हाइट भएका पुरुष भन्दा होचो हाइट भएका पुरुषहरू सम्बन्धमा इमान्दार रहने देखाएको छ।

होचो हाइट भएका पुरुषहरू अग्लो हाइट भएका पुरुष भन्दा आत्मविश्वासी र आफ्नो पार्टनरप्रति धेरै नै समर्पित हुने देखाएको छ। हालै अमेरिकाको न्यूयाेर्क यूनिभसिटीले गरेको एक अनुसन्धानले होचो हाइट भएको पुरुषसँग प्रेम सम्बन्ध तथा विवाह गरेका महिलाहरुको जीवन खुसी रहेको देखाएको छ।

यस्तै अग्लो हाइट भन्दा होचो हाइट भएका पुरुषसँग प्रेम सम्मबन्धमा रहेका धेरै प्रेम जोडीहरूले विवाह गरेको समेत अनुसन्धानले देखाएको छ। होचा पुरुष धेरै अfत्मविश्वासी अनुसन्धानले अग्ला पुरुष भन्दा होचा पुरुष धेरै आत्मविश्वासी हुने समेत देखाएको छ। अग्ला पुरुष भन्दा होचा पुरुष सावर्जनिक ठाउँमा वा साथीभाइको बीचमा खुलेर कुरा गर्न सक्ने तथा सबैसँग राम्रो सम्बन्ध राख्ने सक्ने देखाइएको छ।

यस्तै होचा पुरुषले प्रेममा धोका नदिने समेत अनुसन्धानले देखाएको छ। अग्लो पुरुषको तुलनामा होचा पुरुष आफ्नो पार्टनरप्रति धेरै नै इमान्दार देखिने समेत बताइएको छ। यस्तै होचा पुरुष जीवनमा आएका समस्याहरू सजिलैसँग समाधान गर्न तयार हुन्छन्। साथै सबैलाई प्रेमिल व्यवहार गर्ने खालका हुने समेत देखिएको छ।

बिशेष समाचार

निर्मला हत्या प्रकरणको एक वर्ष, दोषी पत्ता लगाउन सरकार असफल

मकवानपुरमा भीषण वर्षा, बाटो अबरुद्ध, गाडीलाई खोलाले बगायो

दोलखामा कारागारभित्रै कैदीकाे मृत्यु, आत्महत्याकाे आशंका

%d bloggers like this: