राजनिती

विधान अनुसार चुनाव लडेर पुन: पार्टी नेतृत्वमा आउछु : सभापति देउवा

दाङ । पुर्व प्रधानमन्त्री तथा नेपाली कांग्रेसका सभापति शेरबहादुर देउवाले पार्टीको विधान अनुसार चुनाव लडेर पुन: नेतृत्वमा आउने बताउनु भएको छ । नेपाली कांग्रेस दाङ क्षेत्र नम्बर १ ले लमहीमा आयोजना गरेको क्षेत्रीय सभालाई सम्बोधन गर्दै उहाँले पार्टीको विधान अनुसार चुनाव लडेर नै पार्टी सभापति बन्ने बताउनु भएको हो ।

सभापति देउवाले सरकारको खण्डन गर्दै जनअपेक्षा अनुसार काम गर्न नसकेको आरोप समेत लगाउनु भयो । सरकार बनेको १ वर्ष पुरा हुँदा समेत जनताको लागि एउटा पनि काम गर्न नसकेको भन्दै सरकारले उठाएको कदम समेत गलत रहेको दाबी गर्नुभयो ।

चैतभित्र विप्लव समूहका अतिवादी विध्वंसात्मक गतिविधिलाई नियन्त्रणमा लिइने प्रधानमन्त्री ओलीकाे भनाइ

काठमाण्डौं –  प्रधानमन्त्री केपी शर्मा ओलीले चैत्र महिनाभित्र नेत्र विक्रम चन्द नेतृत्वको नेपाल कम्युनिष्ट पार्टीका अतिवादी विध्वंसात्मक गतिविधिलाई नियन्त्रणमा लिइछाड्ने घोषणा गर्नुभएको छ । नेपाल कम्युनिष्ट पार्टी (नेकपा) का अध्यक्षसमेत रहनुभएका प्रधानमन्त्री ओलीले कम्युनिष्ट पार्टीको नाममा विकास निर्माणको काममा अवरोध पुर्‍याउने, कम्युनिष्ट पार्टीको सरकारलाई असफल बनाउन कोशिश गर्ने लगायतका चन्द नेतृत्वको नेकपाको अतिवादी विध्वंसात्मक गतिविधि सरकारलाई सह्य नहुने चेतावनी पनि दिनुभयो ।

सोमबार नयाँ बानेश्वरमा रहेकाे संघीय संसद भवनमा आयोजित पार्टी संसदीय दलको बैठकलाई सम्बोधन गर्दै प्रधानमन्त्री ओलीले चन्द नेतृत्वको नेकपाले हिंसा परित्याग नगरे नियन्त्रणमा लिने सरकारको नीति रहेको पनि स्पष्ट पार्नुभयो ।

उहाँले चन्द नेतृत्वको नेकपालाई राष्ट्रिय राजनीतिको मूलधारमा ल्याइछाड्ने प्रतिबद्धता पनि व्यक्त गर्नुभयो । त्यसका लागि सो समूहले हिंसा परित्याग नगरे सरकारले नियन्त्रण गर्ने प्रधानमन्त्री ओलीको भनाइ छ । प्रधानमन्त्री ओलीले शान्ति प्रक्रियाका बाँकी कामलाई पूरा गर्न ढिलाइ नगर्ने पनि स्पष्ट पार्नुभयो ।

उहाँले आजै बस्ने मन्त्रीपरिषद बैठकले शान्ति प्रक्रियाका बाँकी काम पूरा हुने गरी सत्य निरुपण तथा मेलमिलाप आयोग र बेपत्ता छानबिन आयोगको पदाधिकारी चयनका लागि सिफारिस समिति गठन गर्ने पनि जानकारी दिनुभयो ।

प्रधानमन्त्री ओलीले पार्टीको सांगठनिक एकीकरणको काम हुँदैन कि भनेर चिन्ता नगर्न पनि पार्टीका नेता, कार्यकर्तालाई आग्रह गर्नुभयो । उहाँले पार्टीको तल्लो तहसम्मको एकीकरणको काममा ढिलाइ भएको स्वीकार गर्दै अर्का अध्यक्ष पुष्पकमल दाहाल अमेरिकाबाट फर्कनेबित्तिकै सो कामलाई पूर्णता दिने पनि बताउनु भयो । प्रधानमन्त्री ओलीले पार्टी संगठनहरुको एकीकरणको धेरै काम पूरा भएकाले पनि अब त्यसमा ढिलाइ नहुने पनि बताउनु भयो ।

सहमतिको दोस्रो बुँदाको ‘जनमत’ शब्दलाई साक्षी राखेर सीके राउतले फेरे पार्टीको नाम

काठमाडौं । पृथकतावादी गतिविधि त्यागेर मुलधारको राजनीतिमा अाउन ११ बुँदे सहमति गरेका सीके राउतले नयाँ पार्टी दर्ता गर्ने भएका छन् । राउत नेतृत्वको स्वतन्त्र मधेश गठबन्धनले ’जनमत पार्टी’ गठन गर्ने निर्णय गरेको हो ।

सिरहाको लहानमा दुई दिनसम्म चलेको स्वतन्त्र मधेश गठबन्धनको राष्ट्रिय परिषद् बैठकले सीके राउत नै अध्यक्ष रहनेगरी नयाँ पार्टी खोल्ने भएको हो । बैठकले पार्टीको चुनाव चिह्न समेत तय गरिसकेको छ । नयाँ पार्टीको चुनाव चिन्ह अष्टदल राख्ने निर्णय भएको हो ।

गत साता सरकारसंग ११ बुँदे सहमति गरेर तराई झरेका राउतले सिरहामा बोलाएको वैठकलाई धेरैले अर्थपूर्णरुपमा लिएका थिए । सहमतिलाई लिएर भएको राष्ट्रव्यापी वहसले राउतको पार्टीले लिने सम्भावित निर्णयलाई लिएर बिभिन्न अनुमान समेत गरिएको थियो ।

सहमतिको दोसो बुँदामा उल्लेख भए झै कुनै पनि विषयको निर्णय ‘जनमत’बाट लिने भन्ने शब्दलाई थप महत्व दिदै राउतले पार्टीको नाम पनि जनमत राख्ने निर्णय गरेको अनुमान गरिन थालिएको छ ।तर धेरैले राउतको यो कदमलाई उनी ‘फेरिएको’ भन्दै सकारात्मक रुपमा लिनु पर्ने टिप्पणी समेत गरेका छन् ।

यस्तो छ विज्ञप्ती :

सीके राउतको प्रदर्शन आपत्तिजनक : कमल थापा

नेपालगञ्ज – राष्ट्रिय प्रजातन्त्र पार्टीका अध्यक्ष कमल थापाले सीके राउत समूहले जनकपुरमा गरेको प्रदर्शन आपत्तिजनक भएको बताउनुभयो । सरकारसँग भएको सम्झौताको मसी सुक्न नपाउँदै विखण्डनको नारा लाग्नु, देश टुक्राउने ब्यानर, प्लेकार्ड र झण्डासहित प्रदर्शन हुनु र सरकार मौनदर्शकको रुपमा रहनु भर्त्सनायोग्य भएको भन्दै उहाँले टिप्पणी गर्नुभयो ।
 
मिडिया नेपालले सोमबार नेपालगञ्जमा आयोजना गरेको पत्रकार भेटघाट कार्यक्रममा अध्यक्ष थापाले सहमतिमा प्रयोग भएका दुई अर्थ लाग्ने भाषाले जनतामा आशंका बढाएकाले सरकारले यसबारे पस्ट पार्नुपर्ने माग गर्नुभयो । 

जनअभिमत भन्ने शब्दलाई सीके राउत समूहले जनमत संग्रहको रुपमा व्याख्या गरिरहेको बताउँदै अध्यक्ष थापाले आवधिक निर्वाचन भए पनि राष्ट्रिय अखण्डता, सार्वभौमिकता  स्वतन्त्रता कुनै पनि निर्वाचनबाट एजेण्डा बनाउन नसकिने स्पष्ट पर्नुभयो । 

सहमतिमा राउत समूहले विखण्डनको एजेण्डा छोडेको भनेर कहीँ पनि उल्लेख नभएको भन्दै उहाँले गम्भीर आशंका जन्माएको बताउनुभयो । अध्यक्ष थापाले फागुन १५ गते ताप्लेजुङबाट सुरु भएको राष्ट्रिय स्वाभिमान यात्रा चैत १ गते राजधानी पुगेर समापन हुने र त्यसै दिन केन्द्रीय कार्यसमितिको बैठकले संघर्षका कार्यक्रम तय गर्ने बताउनुभयो । 

कम्युनिस्टको नाममा चक्कु देखाएर जनता नतर्साऊ : प्रधानमन्त्री

झापा । प्रधानमन्त्री केपी शर्मा ओलीले कम्युनिस्ट पार्टीको नाममा जनतालाई चक्कु देखाएर तर्साउने काम बन्द गर्न आग्रह गरेका छन् । ४६ औं सुखानी स्मृति दिवसको अवसरमा मंगलबार झापामा आयोजित कार्यक्रममा उनले विप्लवको नाम नलिई कम्युनिस्ट पार्टीको नाममा जनतालाई तर्साउने काम बन्द गर्न आग्रह गरेका हुन् ।

‘जनतालाई चक्कु देखाएर कम्यूनिष्ट पार्टीको नाम लिने काम बन्द गर्नुहोस’ उनले भने ‘म यो शहीद भूमिबाट फेरि एक पटक आह्वान गर्छु, कोही वास्तविक कम्युनिष्ट हुनुहुन्छ भने नेकपा आएर समाहित हुनुहोस् ।’

प्रधानमन्त्री ओलीले सरकारले देशै भरी विकासको माहोल ल्याएको पनि दावी गरे । ‘केही तत्वहरुले जनता भाँड्न सरकारले केही गरेन भने पनि सरकार विकास, निर्माण, सुशासनमा जिम्मेवारीपूर्वक लागि परेको हो’ उनले भने ।

प्रधानमन्त्री ओलीले झापा आन्दोलनले उठाएका र पुरा हुन बाँकी रहेका मागहरु नेकपाले पूरा गर्ने दावी गरे । ‘म यही शहीद भूमिबाट भन्न चाहन्छु तत्कालिन नेकपा (एमाले) र नेकपा (माओवादी)को पार्टी एकता पनि सहिदका सपना पूरा गर्नका लागि भएको हो ।’

प्रधानमन्त्री ओलीले २०२९ सालमा जनताका हक अधिकारको माग गर्ने युवाहरुलाई जेल सार्ने बहानामा सुखानीमा ल्याएर गोली हानेर मारिएको स्मरण गरे । ‘म भागेर बचें नत्र त्यती बेला म पनि मारिन सक्थें’ प्रधानमन्त्री ओलीले भने ‘हामीले त्यसबेला पञ्चायतको अन्त्य र गणतन्त्र स्थापनाको माग उठाएका थियौं ।’

२०२९ साल फागुन २१ गते झापाबाट इलाम जेल सार्ने बाहनामा रामनाथ दाहाल, नेत्र घिमिरे, कृष्ण कुइँकेल, विरेन राजवंशी र नारायण श्रेष्ठलाई सुखानीको जंगलमा गोली हानी हत्या गरिएको थियो ।

संवैधानिक प्रजातन्त्र र हिन्दु राज्य स्थापना नभएसम्म आन्दोलनः समाजवादी कांग्रेस

काठमाडौं । नेपाल समाजवादी कांग्रेसले मुलुकमा बढ्दै गएको भ्रष्टाचार र अनियमिता रोक्न सरकार उदासिन भएको आरोप लगाएको छ । आज काठमाडौंमा पत्रकार सम्मेलन गरी पार्टीले भ्रष्टाचार र अनियमितताको खवरदारी गर्ने जनाएको छ ।

जनता मंहगीको मारमा परेको, सरकार कानुनसम्बत ढंगबाट नचलेको भन्दै ध्यानाकर्षण गर्ने जनाएको छ । नेपाल समाजवादी कांग्रेसका अध्यक्ष गोविन्द निरौलाले संवैधानिक प्रजातन्त्र र हिन्दु राज्य स्थापना नभएसम्म आन्दोलन गर्ने घोषण गरे । पार्टीले सबै जिल्लामा मंहगी, भ्रष्टाचार र सरकारको कामको निगारानीसमेत गर्ने भएको छ ।

कांग्रेसले सरकारविरुद्ध देशव्यापी प्रदर्शन गर्दै

 प्रमुख प्रतिपक्षी दल नेपाली कांग्रेसले सरकारको विरोधमा आज देशभर प्रदर्शन गर्दैछ । कांग्रेसले ७७ वटै जिल्लामा एकसाथ शक्ति प्रदर्शन गर्न लागेको हो । विरोध प्रदर्शनका लागि अधिकांश शीर्ष तहका नेता आफ्नो गृहजिल्ला पुगेका छन् ।

वरिष्ठ नेता रामचन्द्र पौडेल तनहुँ पुगेका छन् भने महामन्त्री डा. शशांक कोइराला नवलपुर तथा पार्टी प्रवक्ता विश्वप्रकाश शर्मा चितवन पुगेका छन् । त्यस्तै केन्द्रीय सदस्य शेखर कोइराला मोरङको प्रदर्शनमा सहभागी हुने बताइएको छ । युवा नेता गगन थापा पोखराको विरोधसभामा सहभागी हुने कार्यक्रम छ ।

कांग्रेसले राजधानीको रत्नपार्कमा प्रदर्शन गर्ने भएको छ । शहरका विभिन्न ठाउँबाट जुलुसहित रत्नपार्कमा पुगेर प्रदर्शन गर्ने कांग्रेसले जनाएको छ । सभालाई केन्द्रीय नेताहरूले सम्बोधन गर्ने काठमाडौं जिल्ला सभापति सबुज बानियाँले जानकारी दिए । उपत्यकामा ललितपुर र भक्तपुर जिल्ला समितिले पनि छुट्टा–छुट्टै कार्यक्रम गर्दैछन् ।

जन स्वास्थ्य भन्दा उद्योग-व्यापार ठूलो होइनः काभ्रेपलान्चोकका अवैध भट्टा बन्द गर्ने चेतावनी –

काभ्रे । काभ्रेमा संचालनमा रहेका अबैध इटा भट्टा संचालनलाई बैध दिने कार्यको निन्दा गरिएको छ । काभ्रेपलान्चोक पर्यावरण बचाउ अभियानका संयोजक सुर्य बहादुर भेट्वालद्वारा जारी विज्ञप्तिमा भनिएको छ, जनताको स्वास्थ्य भन्दा ठूलो उद्योग व्यापर नभएको दाबी गरिएको छ ।

इटा भट्टाले स्थानीय जनताको स्वास्थ्यमा असर परेको र वातावरण प्रर्दुषण भएको जनाइएको छ । स्थानीय निकायका प्रतिनिधि तथा अन्य सम्बन्धित निकायले यसलाई गम्भिर रुपमा नलिएको आरोप समेत लगाइएको छ ।

उक्त वक्तव्यमा यथासक्य अबैध इटा भट्टा नहाइएमा सशक्त प्रतिरोधमा उत्रिने चेतावनी समेत दिइएको छ ।

विज्ञप्तिको पूर्ण पाठ
आदरणीय काभ्रेपलान्चोक जिल्ला बासि दाजु भाइ दिदि बहिनिहरु,

आज जिल्ला समन्वय समिति काभ्रेमा पत्रकार सम्मेलन गरी गरिएको संझौताको हामी घोर विरोध र भत्र्सना गर्दछौ । जनताको स्वास्थ्य भन्दा ठूलो उद्योग र व्यापार हुँदैन । अझ नियम र कानूनलाई खिल्ली उडाई संचालित अवैध उद्योगहरुसँग निर्वाचित जन प्रतिनीधिहरु लत्रिनु आफैमा दुखद् र लज्जाको विषय हो । कार्वानको जालोभित्र जनता रहन सक्दैनन् भनेर नेपाल सरकारका प्रवक्ता एवं संचार प्रविधि मन्त्री गोकुल वास्कोटाले निर्देशन दिंदा समेत उक्त निर्देशन, प्रदेश सांसाद लक्ष्मण लम्सालले प्रदेश संसदमा उठाएको मुद्दा विरुद्घ निर्णय आउनुले दालमा कुछ कालो छ भन्ने स्पष्ट हुन्छ ।

हामीलाई विश्वास थियो काभ्रेका अवैध भट्टा हटाउने कामको सुरुवात नमोवुद्घबाट सुरु हुने छ । जनताको अपार आशालाई यो निर्णयले तुषारापात गरेको छ । अब यो सँगसँगै जिल्लाका अन्यत्र विद्याळय सगै , वस्ति सगै मन्दिर, पोखरी कुवा, बाटो नदि, जगल घनावस्ति सगै जोडियर संचालित अवैध र मापदण्ड विपरित भट्टाका साहुँहरुले सबै स्थानिय निकायलाई विस्तारै गाल्दै लाने र अन्यत्र पनि अवैध भट्टाहरु संचालन गर्ने नजिर बसाल्न खोजिदैछ । हामी यस खाले घटनाको घोर भत्र्सना गर्न चाहान्छौ ।

एक बर्ष भट्टा चलाउन दिने सहमतिमा व्यापारीहरुलाई राम्रै मुनाफा होला, वार्ता टोलिहरुलाई राम्रै छ्याकन पनि मिल्ला तर आम काभ्रेपलान्चोकका जनताहरुले बर्षदिन सम्म धुँवा र धुलो खाएको क्षती पूर्ती कस्ले दिने रु जवाफ छ नमोवुद्घ नगरपालिका र जिल्ला समव्न्वय समिति सँगरु हामी जनताको स्वास्थ्य र कानूनको बर्खिलाप गरिएको कुनैपनि निर्णय तत्काल संच्याउन र अवैध भट्टाहरु तुरुन्त बन्द गर्न आव्हान गर्न चाहान्छौ । जनता विरोधी हर्कतहरु जारी रही रहे आन्दोलनको आँधि वेरीबाट सबै पाखा लाग्ने निश्चित छन् । निर्णय नसच्याए आन्दोलनको पनि विकल्प छैन । कानूनको धज्जी उडाउने कुनै पनि निर्णय हामीलाई स्विकार्य छैन । हामी त्यो दिनको सामान गर्न चुनौती दिन चाहान्छौ ।


संयोजक सुर्य बहादुर भेट्वाल

काभ्रेपलान्चोक पर्यावरण बचाउ अभियान

नेकपाको वैधानिकता विरुद्ध सर्वोच्चमा रिट

नेकपाको वैधानिकताविरुद्ध सर्वोच्चमा रिट

काठमाडौँ, २१ मङ्सिर  नेपाल कम्युनिष्ट पार्टी  नेकपाको नामलाई निर्वाचन आयोगले आधिकारिकता दिएको विरोध गर्दै नेपाल कम्युनिष्ट पार्टीका अध्यक्ष ऋषि कट्टेलले सर्वोच्च अदालतमा रिट निवेदन दायर गर्नुभएको छ । 
अध्यक्ष कट्टेलले एउटै नाममा अर्को दल दर्ता गरेको भन्दै सर्वोच्चमा आज दायर गरेको निवेदनमा आफूले पहिला दल दर्ता गरेको र कोष्टमा नेकपा नै उल्लेख रहेकाले अर्को पार्टीको दल दर्ता कानून विपरीत भएको उल्लेख छ । 

आयोगले गत असोज ९ गते तत्कालीन नेकपा ९ एमाले र नेकपा ९माओवादी केन्द्र० बीच एकतापछि बनेको दल नेपाल कम्युनिष्ट पार्टी ९नेकपा० लाई वैधानिकता दिएको थियो । सो निवदेनमाथि यही मङ्सिर २४ गते पेशी तोकिएको छ । 

काङ्ग्रेस कार्यकर्ता महतोका हत्यामा संलग्नलाई कारवाही गर्न माग

काठमाडौँ, १३ कात्तिक : नेपाली काङ्ग्रेसले सर्लाही रामनगर गाउँपालिका–४ का रामविलास महतोको हत्यामा संलग्नलाई कारवाही गर्न सरकारसँग माग गरेको छ । काङ्ग्रेसले आज एक विज्ञप्तिमार्फत मृतकलाई शहीद घोषणा गर्न र उक्त घट्नाका घाइतेहरुको निःशुल्क उपचारको प्रबन्ध गर्न सरकारसँग माग गरेको हो ।

विज्ञप्तिमा भनिएको छ, “सर्लाही रामनगर गाउँपालिका–४ का काङ्ग्रेसबाट विजयी वडा अध्यक्ष राम नरेश महतोको काका ५५ वर्षीय रामविलास महतोलाई नेकपाका कार्यकर्ताहरुले गोली हानी हत्या गरेका छन्, उनीहरुले एक्कासी कुटपिट र गोली चलाएका थिए ।” गोली लागेर सोही वडाका काङ्ग्रेसका महादेव राय, विवेक महतो, प्रमोद सहनी, भोजेन्द्र महतो, श्रीनारायण महतो, प्रेमनारायण महतो, मुकेशकुमार कुशवाहा गम्भीर घाइते हुनु भएको विज्ञप्तिमा उल्लेख छ ।

नेकपाका कार्यकर्ताहरुले वडा अध्यक्ष महतोको घरसहित वरपरका अन्य घरमा समेत क्षति पु¥याउनुका साथै घाइते लिन गएको एम्बुलेन्स माथिसमेत तोडफोड गरेर उपचारमा लैजानसमेत समस्या उत्पन्न गरेको काङ्ग्रेसको आरोप छ । घट्नाको अघिल्लो दिन वडाध्यक्षलाई कुटपिट गरिएको र त्यसको भोलिपल्ट उहाँकै घरमा आक्रमण गरेर गोली हानिएको काङ्ग्रेसले विज्ञप्तिमा जनाइएको छ । साथै अप्रिय घट्ना घट्न सक्ने सम्भावना रहेपनि प्रहरी प्रशासनले सुरक्षा दिन नसक्नु अत्यन्त दुःखद भएको काङ्ग्रेसको ठहर छ ।

यस घटनालाई काङ्ग्रेसले अत्यन्त गम्भीरतापूर्वक लिएको जनाउँदै सरकारको गम्भीर ध्यानकर्षण गराएको छ । पार्टी सभापति शेरबहादुर देउवाको निर्देशनसहित उपसभापति विमलेन्द्र निधि भोलि बिहान सर्लाही जाने पार्टी कार्यालयका मुख्यसचिव कृष्णप्रसाद पौडेलले जानकारी दिनुभयो ।

बिशेष समाचार

निर्मला हत्या प्रकरणको एक वर्ष, दोषी पत्ता लगाउन सरकार असफल

मकवानपुरमा भीषण वर्षा, बाटो अबरुद्ध, गाडीलाई खोलाले बगायो

दोलखामा कारागारभित्रै कैदीकाे मृत्यु, आत्महत्याकाे आशंका

%d bloggers like this: