सुरक्षा

प्रधानसेनापतिद्वारा निरीक्षण भ्रमण सम्पन्न

काठमाडौँ, २४ असोज (रासस) ः प्रधानसेनापति महारथी पूर्णचन्द्र थापाले आज गोरखा जिल्लास्थित श्री रणसिंह दल गण र धादिङस्थित श्री नं ६ बाहिनी अड्डाको निरीक्षण भ्रमण गर्नुभयो ।

सो अवसरमा प्रधानसेनापति थापाले उक्त बाहिनी र गणको वस्तुस्थिति, तालीम, बन्दोबस्तीलगायत अन्य विविध पक्षबारे जानकारी लिनु भएको थियो ।

उहाँ आजै काठमाडौँ फिर्ता हुनुभएको सैनिक जनसम्पर्क तथा सूचना निर्देशनालयले जनाएको छ ।

चाडपर्वमा राजधानीको सुरक्षा व्यवस्था कडा

दशैँ, तिहार र छठलाई लक्षित गर्दै राजधानी काठमाडौँको सुरक्षा व्यवस्था कडा पारिएको प्रहरीले जनाएको छ । महानगरीय प्रहरी परिसर काठमाडौँले आज यहाँ आयोजना गरेको पत्रकार सम्मेलनमा चाडपर्वका लागि लक्षित गर्दै सुरक्षा योजना बनाइएको जानकारी दिइयो ।परिसरका प्रमुख, वरिष्ठ प्रहरी उपरीक्षक रवीन्द्रबहादुर धानुकले उपत्यकाको सुरक्षा व्यवस्था त्रुटिरहित, भरपर्दो, विश्वसनीय र मजबुत बनाई जनजीवन सामान्य तुलाउन र देश, विदेशबाट घर फर्कने तथा उपत्यकाबाट बाहिरिने यात्रुलाई पूर्णसुरक्षा व्यवस्था मिलाइएको जानकारी दिनुभयो ।प्रहरी जनशक्तिको वैज्ञानिक परिचालन, सादा पोशाकमा सूचना संकलनका लागि प्रहरी परिचालन र आधुनिक प्रविधिको प्रयोग गरी तीन चरणको सुरक्षा व्यवस्था मिलाइएको उहाँको भनाइ छ।सुरक्षा योजनाबमोजिम तीनहजार ७०० प्रहरी खटाइने, विभिन्न स्थानमा कुकुरसहितका प्रहरी परिचालन गरिने, दैनिक पैदल गस्ती, ३६ वटा साइकल गस्ती, ७५ वटा मोटरसाइकल गस्ती, ३० वटा मोटर गस्ती, पिकेटिङ ४३ स्थानमा, सवारी गस्ती, छड्के चेकजाँच जस्ता कार्य गरिने प्रहरीले जनाएको छ।चोरी, जुवातास, गुण्डागर्दी, पाकेटमारी, कालोबजारी, खाद्य मिसावट नियन्त्रणका लागि अभियान सञ्चालन गरिने प्रमुख धानुकले जानकारी दिनुभयो । प्रहरीले आफ्नो सुरक्षामा ध्यान दिन समेत सबैसँग आग्रह गरेको छ 

जुवा खालबाट रकम बरामद गरी बृद्धाश्रमलाई हस्तान्तरण : नेपाल प्रहरी सिन्दुपाल्चोक

जि.सि.पा. चौतारा साँगाचोकगढी नगरपालिका वडा नं. ५ स्थित पुरानो बजारमा रहेको रामचन्द्र श्रेष्ठको घरमा बिभिन्न ठाउँबाट मानिसहरु भेला जम्मा भई हारजित हुने गरी जुवा (तास) खेलिरहेको छ भन्ने प्राप्त सुचना अनुसार सो स्थानमा गई कानुन बमोजिम खानतलासी गर्दा जिल्ला सिन्धुपाल्चोक चौतारा साँगाचोकगढी नगरपालिका वडा नं. ४ बस्ने कुमार श्रेष्ठ, ऐ. ५ बस्ने ललित श्रेष्ठ, ईन्द्रमणी श्रेष्ठ, राजेश श्रेष्ठ, राजेन्द्र भक्त प्रधान, सोम बहादुर श्रेष्ठ, कृष्ण श्रेष्ठ र पदम बहादुर श्रेष्ठ समेतले खालमा पैसा राखि खेलिरहेको अवस्थामा फेला पारी खालमा राखेको नगद रु. २८,३७६।- (अठ्ठाईस हजार तिन सय छयहत्तर) बरामद गर्नुको साथै निजहरुलाई पक्राउ गरी यस कार्यालयमा ल्याई निर्वाचित जनप्रतिनिधी, स्थानीय भद्रभलाद्मीहरु समेतको उपस्थितिमा एक पटकको लागि सुध्रने मौका प्रदान गरी बरामद भएको उक्त रकम चौतारा सदरमुकाममा रहेको बृद्धाश्रम सेवा समितिलाई प्रदान गरिएको ।

नेपाल प्रहरी अप्रेसनल कमाण्ड, व्यवस्थापन (OCM Level-2) तालिम छैठौं समूहको समापन:-

राष्ट्रिय प्रहरी प्रशिक्षण प्रतिष्ठान महाराजगंजमा संचालित “अप्रेसनल कमाण्ड, व्यवस्थापन (OCM Level-2) तालिम छैठौं समूहको आज मिति २०७४ भाद्र ०७ गते प्रतिष्ठानका कार्यकारी निर्देशक प्रहरी अतिरिक्त महानिरीक्षक देवेन्द्र सुवेदीको प्रमुख आतिथ्यतामा एक कार्यक्रमका बीच समापन भयको छ। कार्यक्रममा प्रमुख अतिथि बाट प्रशिक्षार्थीहरुलाई प्रमाणपत्र वितरण गर्नुको साथै निर्देशन सम्बोधन गर्नु भएको थियो भने तालिम संयोजक एसपी गोरख सिंह भण्डारीले तालिम सम्बन्धी प्रतिवेदन प्रस्तुत गर्नु भएको थियो।

सशस्त्र प्रहरी बलले तराईमा करीव दुई हजार तीन सय बाढी पीडितलाई स्वास्थ्य सेवा प्रदान गरेको हो

 

तराईका विभिन्न जिल्लाका दुई हजार तीन सय २६ जना बाढी पीडित नागरिकलाई सशस्त्र प्रहरी बल नेपालका चिकित्सकसहितका स्वास्थ्यकर्मीहरुद्वारा स्वास्थ्य सेवा प्रदान गरिएको छ । साउन अन्तिम साता परेको अविरल वर्षापछि आएको बाढी र डुवानबाट प्रभावित सप्तरी, महोत्तरी, बाँके, बर्दिया र मोरङ जिल्लाका बाढी पीडित सर्वसाधारणलाई नेपाल एपीएफ अस्पताल बलम्वु काठमाडौंबाट चिकित्सकसहित खटिएका स्वास्थ्यकर्मीहरुले स्थानीय स्तरमै पुगेर स्वास्थ्य सेवा पु¥याएका छन् । सशस्त्र प्रहरी बल नेपालका स्वास्थ्यकर्मीहरुले बाढी प्रभावित ठाउँका गाँउवस्तीमै पुगेर स्वास्थ्य शिविर सञ्चालन गरी पीडित स्थानीय वासिन्दाको स्वास्थ्य परीक्षण गर्नुका साथै निःशुल्क रुपमा औषधी वितरण गरेका थिए।पूर्व क्षेत्रमा खटिएका सो अस्पतालका डा. मीना कुवँर जोशीसहित १० जनाको स्वास्थ्यकर्मीहरुको टोलीले उक्त क्षेत्रका सप्तरी र मोरङ जिल्लाको विभिन्न ठाउँहरुमा स्वास्थ्य शिविर संचालन गरी एक हजार ६४ जना बाढी पीडितहरुमा स्वास्थ्य सेवा पु¥याएको छ । यसैगरी नेपाल एपीएफ अस्पतालकै डा. निशिता पाठकसहितको १० जना स्वास्थ्यकर्मीहरुको टोलीले मध्य पश्चिम क्षेत्रको बाँके र बर्दिया जिल्लाका बाढी र डुवान प्रभावित ठाउँका छ सय ९१ जनाकोे स्वास्थ्य परिक्षण गरी निःशुल्क औषधी वितरण गरेको छ । बाढी पीडितको स्वास्थ्य उपचारका लागि सोही अस्पतालबाट डा. रोशन कुमार झासहित मध्य क्षेत्रमा खटिएका सात जना स्वास्थ्यकर्मीहरुले बाढी प्रभावित महोत्तरी जिल्लाको विभिन्न स्थानमा पुगेर पाँच सय ७१ जना पीडितलाई स्वास्थ्य सेवा प्रदान गरेका छन् । अविरल वर्षापछि डुुवानमा परेका ठाउँहरुमा स्वास्थ्य सेवा पु¥याउने उद्देश्यले सशस्त्र प्रहरी बल नेपालले खटाएका एपीएफ अस्पतालका चिकित्सकसहितको स्वास्थ्यकर्मीहरुको टोलीले बाढी प्रभावित जिल्लाहरुमा स्वास्थ्य शिविर संचालन गरि पीडितहरुलाई निःशुल्क उपचार सेवा प्रदान गरेको थियो । ती क्षेत्रहरुमा साउन ३२ गतेबाट परिचालित एपीएफ अस्पतालका स्वास्थ्यकर्मीहरुको टोलीले भाद्र १ गतेदेखि ५ गतेसम्म बाढी तथा डुवान प्रभावित विभिन्न स्थानहरुमा खटिएर निःशुल्क रुपमा स्वास्थ्य परिक्षण तथा औषधी वितरण गरेको थियो ।

एआईजी जयबहादुर चन्दले महानगरिय प्रहरी कार्यालयमा आजबाट पदभार ग्रहण गर्नु भयको छ ।

एआईजी जयबहादुर चन्दले महानगरिय प्रहरी कार्यालयमा आजबाट पदभार ग्रहण गर्नु भयको हो । पदभार ग्रहण गर्दै महानगरीय प्रहरी कार्यालय रानीपोखरीका प्रमुख एआईजी चन्दले काठमाडौं उपत्यकालाई अपराध मुक्त शहर बनाउने बतानु भयको हो।महानगरीय प्रहरी प्रमुखको जिम्मेवारी सम्हालेपछि नेपाल प्रहरी क्लव भृकुटीमण्डमा आयोजित कार्यक्रमलाई सम्बोधन गर्दै एआईजी चन्दले उपत्यकाको शान्ती सुरक्षा कायम गर्न निर्देशन दिनु भयको छ। उपत्यकामा शान्ती सुरक्षा कायम गर्नु निकै चुनौतीपूर्ण काम भएको भन्दै एआईजी चन्दले मातहतका युनिट प्रमुख तथा वरिष्ठ अधिकारीहरुलाई जिम्मेवार भएर काम गर्न निर्देशन दिनु भयको हो ।प्रहरीको बोली र व्यवहारमा परिवर्तन ल्याएर अन्तरिक सुद्दिढिकरण गर्दै राम्रो काम गर्ने प्रहरीलाई पुरस्कार प्रदान गर्ने र नराम्रो काम गर्नेलाई कारबाही गरिने पनि चन्दले बतानु भयको छ।उहा ले गुनासो दिएर प्रहरीकोे कार्यालयमा आउने सर्वसाधरणलाई शिष्ट व्यवहार गर्न र गेटमा जिम्मेवार अधिकृतलाई खटाउन समेत मातहतका निकायलाई निर्देशन दिनु भयको हो  । कार्यक्रममा बोल्दै उहाले गुण्डागर्दी गर्ने र अपराधीलाई त्रासको वातावरण सिर्जना गर्न समेत निर्देशन दिनु भो।गृहमन्त्री र प्रहरी महानिरीक्षकको निर्देशनलाई अक्षरस पालना गर्न मातहतका निकायलाई निर्देशन दिंदै उहाले भने–‘तपाईहरुले जनताको मन छुने गरी काम गर्नुहोस।’उहाले इकाई प्रमुखहरुलाई क्षेत्राधिकार नछोड्न पनि निर्देशन दिनु भयको हो ।

तस्विर- नेपाल प्रहरिको  फेसबुकबाट

३३ किलो सुन काण्डका मुख्य आरोपी राजनप्रसाद पन्थ को हुन?

तस्विर – अन्नपुर्ण

काठमाडौं: विमानस्थल बाहिर समातिएको ३३ किलो सुनका मूख्य अरोपी राजनप्रसाद पन्थलाई प्रहरीले नेपाल ल्याउन सफल भएको छ । नेपाल प्रहरीको ईन्टरपोल महाशाखाले दुवई प्रहरीसँग समन्वय गरेर पन्थलाई नेपाल झिकाउन सफल भएको हो।

पन्थले दुवईमा बसेर सुनको कारोबार गर्दै आएको केन्द्रीय अनुसन्धान ब्यूरो (सीआइबी)को दावी छ। सोमबार दुवई हुँदै काठमाडौं विमानस्थलमा ओर्लिएका पन्थलाई प्रहरीले नियन्त्रणमा लिई अदालतमा हाजिर गराउने तयारी गरेको छ। अदालतले पन्थ लगायतलाई अदालतमा आफैं उपस्थित हुन पूर्जी जारिगरेको थियो।

सीआइबीले गत पुस २१ गते बिमानस्थलबाट बाहिरिएको ३३ किलो ५७७.४० ग्राम सुनसहित गोपालबहादुर शाही, दिलबन्धु थापा, सन्तोष काफ्लेलाई पिंगलास्थानबाट पक्राउ गरेको थियो। उनीहरुमाथि थप अनुसन्धान गर्दा हाल पक्राउ परेका १२ जना र फरार २१ जनाको संलग्नता खुलेको हो।

वईमा बसेका मुख्य कारोबारीहरु हरिशरण खड्का, अर्जुन प्रसाद खरेल, रोशन गुप्तलाला भुसाल, कृष्ण गोपाल अग्रवाल, चुडामणी उप्रेती, गोरो भन्ने सिताराम खरेल, केशव चापागाइँ, सञ्जय भन्ने दुर्ग प्रसाद खरेल र गोपाल भुसालसमक्ष भने प्रहरी पुग्न सकेको छैन। नेपालका मुख्य रिसिभरहरु दरबार रोधी क्लबका काभ्रेका रामहरि कार्की, रुविन भन्ने राम प्रताप खड्का र मोरङका प्रकाश खरेल र बुद्धिमान खरेल हुन्।

सीआइबीका अनुसार सुन मगाउनेहरुमा चर्चित सुन पसल आरके ज्वलर्सका सञ्चालक राजेन्द्र कुमार शाक्य, मल्लिका बज्राचार्य शाक्य, सालिमार ज्वलर्सका सञ्चालक राम कृष्ण गोयल, कुसुम गोयल र राहुल गोयल हुन्।

सालिमारकै अनमोल बज्राचार्य र बैभव लक्ष्मी ज्वलर्सका सञ्चालक प्रमोद श्रेष्ठ समेत सुन माग गर्ने व्यापारी रहेको सीआइबीले जनाएको छ। यी व्यापारीहरुसँग शेयर होल्डर्सको रुपमा कैलालीका रवि राजेश बोगटी, काठमाडौं क्षेत्रपाटीका शनि श्रेष्ठ, वैभव ज्वलर्सकै मनोज श्रेष्ठ, सुनिल श्रेष्ठ, राजेश शाक्य र सपन श्रेष्ठ समेत रहको प्रहरी दावी छ।

स्रोत- अन्नपुर्ण पोष्ट

नेपाली सेनाकै ब्यारेकभित्र एक सैनिकले सहकर्मीको गोली हानी हत्या गरेका छन् ।

सिद्धिबक्स गणका सैनिक बसन्त लोहारले प्युठ पदमा कार्यरत गणेश विष्टको हत्या गरेको कास्कीका प्रहरी प्रमुख एसपी अशोक सिंहले जानकारी दिए। आज विहान ५ बजेतिर सुतिरहेका विष्टमाथि लोहारले सात राउण्ड गोली हानेको उनले बताए।

आफैँले बोकेको एम सिक्टीन हतियारबाट विष्टलाई गोली हान्दा सबै गोली छातीमा लागेको छ।

गोलि हानेको ठाउ फेवाताल किनारको रत्न मन्दिर(तत्कालीन राजदरबार) हो। अहिले उक्त दरबार नेपाल ट्रस्टको स्वामित्वमा छ । यसको सुरक्षा नेपाली सेनाको पोखरा फूलबारीस्थित सिद्धबक्स गणले गर्दै आएको छ ।

नेपाल प्रहरीले सिन्धुपाल्चोकको मुडेमा गाँजा खेती नष्ट गरेको छ।

मिति २०७४।०४।२१

सिन्धुपाल्चोक  जि प्रका  कार्यालय तथा प्रहरी चौकी मुडे सिन्धुपाल्चोकबाट खटिई गएको प्रहरी टोलीद्धारा जिल्ला सिन्धुपाल्चोक लिशंखुपाखर गाउँपालिका वडा नं. ५ स्थित मुडे बजार देखि निगाले बजार सम्मको एरियामा अं. ८०० बोट गाँजा खेती नष्ट गरिएको छ ।

 

तस्विरहरु

20597517_495257854143251_5243454315292661769_n 20604520_495257927476577_516111902861143398_n 20643499_495257844143252_5089606577530617327_o

स्रोत-https://www.facebook.com/dpo.sindhupalchok

सडकमा खाल्डो खनेर छाड्ने अपराधीहरुलाई कहिले कारबाहि हुन्छ सरकार ?

सडक बनाउँदा खनिएको खाल्डोमा परी एकै परिवारका चारजना बालिकाको मृत्यु :—
हाम्रै नेपालको घटना हो यो ।
च.पुर–गौर सडकसँग जोडिएको नयाँ कच्ची बाटो निर्माणको क्रममा खेतमा खाल्डो खनेर छाड्नेहरु अपराधी हुन् । उनीहरुको अपराधको कारणले १२ वर्षीया संगीता साह, ९ वर्षीया सुनिता साह, ९ वर्षीया सुनैना साह र ९ वर्षीया सुस्मिता साहको मृत्यु भएको छ । हार्दिक श्रद्धाञ्जलि !
“कपू” सिण्डिकेटको माफियातन्त्रमा जकडिएको यो देशमा अझै कति समयसम्म एस्ता घटनाहरु घटित भइरहने हुन् ?
के यो देशको स्थितिलाई यसरी नै बिग्रिइरहन दिने ?

 

बिशेष समाचार

निर्मला हत्या प्रकरणको एक वर्ष, दोषी पत्ता लगाउन सरकार असफल

मकवानपुरमा भीषण वर्षा, बाटो अबरुद्ध, गाडीलाई खोलाले बगायो

दोलखामा कारागारभित्रै कैदीकाे मृत्यु, आत्महत्याकाे आशंका

%d bloggers like this: